Rêkeftineke sêalî ji bo ji nû ve destpêkirina hinardekirina petrola Herêmaê hat îmzekirin

PUKMEDIA

Zeviya petrolê

Çavkaniyên medyayê ragihandin ku peymanek sêalî di navbera Hikûmeta Herêma Kurdistanê, Hikûmeta Federal a Îraqê û kampaniyên petrolê yên ku li herêmê de hatiye îmzekirin. Medyaya Îraqê ragihand ku îmzekirin li Hewlêrê pêk hatiye û li gorî şertên peymanê, hinardekirina petrola herêmê dê ji nû ve dest pê bike.

Zêdekirina para Kampaniyan

Piştî çend mehan ji nekokî û aloziyan, Bexda û Hewlêr bi kampaniyên biyanî re gihîştin peymenekê ku pirsgirêka hinardekirina petrola herêmê bi rêya bendera Ceyhanê ya Tirkiyeyê bi dawî bikin. Peyman zêdekirina mûçeyên kampaniyên biyanî destnîşan dike, ne ku para wan a rasterast a dravî ya dahatên petrolê, û derî li ber pêşkeftina ku demek dirêj li bendê bû vedike. Lêbelê, pirsgirêkên ewlehî, siyasî û aborî hîn jî girêdayî pabendbûna her sê aliyan in.

Hinardekirina petrola herêmê bi rêya bendera Ceyhanê di Adara 2023an de ji ber nakokiyên qanûnî û teknîkî hate rawestandin. Ji wê demê ve, hewldanên dijwar û berdewam hatine kirin da ku lihevkirinek çêbibe ku dê ji nû ve destpêkirina herikîna petrola Herêma Kurdistanê misoger bike.

Peymana Dîrokî

Îraq pabendî para xwe ya sabît a OPEC+ ye, ev tê vê wateyê ku ji nû ve destpêkirina hinardekirina petrola Kurdistanê bo bakur dê bi kêmkirina hinardekirina bo başûr re rû bi rû bimîne. Piştî danûstandinên dirêj û serdanên hevbeş, Bexda û Hewlêr bi kampaniyên biyanî re peymanek girîng çêkirin da ku krîza hinardekirina petrola Herêma Kurdistanê bi rêya bendera Ceyhanê bi dawî bikin. Peymana ku du mehan dom kir gihîşt têgihîştinek hevbeş.

Kampanî bi Bexdayê razî bûn

Çavkaniyek agahdar a hikûmetê ji PUKMEDIA re got ku "kampaniyên biyanî israr kirin ku nekokiyan bi rêya dadgeh û saziyên navneteweyî çareser bikin, lê Bexdayê red kir û got divê hemî pirsgirêk li gorî qanûnên Îraqê werin çareser kirin. Di dawiyê de, kampanî li ser vê yekê razî bûn, û mijar qediya.

Çavkaniyê her wiha destnîşan kir ku şandeyek bilind bi serokatiya Wezîrê Petrolê yê Federal Hayan Abdul Genî dê bi Rêveberê Giştî yê SOMO re biçe Enqerê da ku li ser ji nû ve destpêkirina hinardekirinê bi rêya bendera Ceyhanê lihev bikin û peymanek nû îmze bike da ku şûna peymana berê ya bi Tirkiyeyê re bigire, ku biryar e di Tîrmeha 2026an de biqede.
 

Hinardekirin dê bi 100 hezar bermîl di rojê de dest pê bike

Pispor texmîn dikin ku hinardekirin bi rêya bendera Ceyhanê dê bi qasî 100 hezar bermîl di rojê de dest pê bike, û piştî temamkirina amadekariyên teknîkî û lojîstîkî û lihevkirinên bi Tirkiyeyê re, hêdî hêdî bigihîje 300 hezar bermîl di rojê de, û girîngiya stratejîk a benderê vegerîne.

50,000 bermîl di rojê de ji bo kampaniyan

Li gorî peymanê, herêm pabend e ku rojane 280,000 bermîl hilberîne, ku ji wan 50,000 bermîl dê ji bo xerckirina navxweyî were veqetandin, di heman demê de 230,000 bermîl di rojê de dê radestî SOMO-yê were kirin, ku berpirsiyarê hinardekirin û kirrûbirrê ye.

kampaniyên petrolê hîn helwestek fermî li ser peymanê nîşan nedane, di heman demê de tê payîn ku kabîneya federal roja Sêşemê ya bê wê pesend bike.

PUKMEDIA