21 Îlonê Roja Cîhanî ya Aştî ya îsal bi şeran derbaz bû

Pêgeha NY

Wêneyek derbarê Roja Cîhanî ya Aştiyê

Roja Cîhanî ya Aştiyê , ku her sal ji aliyê Neteweyên Yekbûyî ve di roja 21ê Îlonê de tê pîrozkirin, îsal di bin siya gelek şerên li Sûriye, şerê navbera Hemas û Îsraîlê li Kerta Xeze ,şerê di navbera Hindistan û Pakistan, Rûsya û Ukraniya û aloziyên di navbera Tayland û Kemboçya û çendîn welatên din yên cîhanî de derbaz bûye.

Di sala 2001an de, Neteweyên Yekbûyî jî ev roj wekî "serdema ne tundûtûjî û agirbestê" destnîşan kir, û ew bi fermî wekî "Roja Navneteweyî ya Aştiyê" hatibû nasîn.

Roja Cîhanî ya Aştiyê veguheriye tevgereke gerdûnî, ku hikûmetan, civaka sivîl û kesan di çalakiyên ku cîhanek aştiyane pêş dixin de beşdar dike.

Neteweyên Yekbûyî ragihand ku dive mijara sereke ya sala 2025an  hewldan û tevgerkirin ji bo cîhanek aştiyane be.

Bi vê boneyê, divê em hewlên Serok Mam Celal di vî warî de bi bîr bînin,ew yek ji kesayetiyên herî berbiçav bû ku banga aştiyê li Îraq, herêm û cîhanê dikir, û têkoşîna xwe ji bo xurtkirina nirxên pêkvejiyan û hevjiyanê terxan kir, di tevahiya jiyana xwe de, wî hewl da ku çareseriyên aştiyane ji bo pirsgirêka Kurd bibîne û roleke girîng di nêzîkkirina nêrînên aliyên nakok di pêvajoya siyasî de list, piştî hilweşîna rejîma Beis, wî pêgeha serokatiya komarê veguherand platformek yekgirtî ji bo pêkhate û hêzên siyasî yên cûda yên li Îraqê.

Her weha rola Serok Mam Celal ya sereke hebû di di encamdana lihevhatinê di navbera hêzên Şîe û Sunnî de û parastina lihevhatinê di navbera wan de, ji bilî xebata wî ya berdewam ji bo asayîkirina peywendiyên Îraqê bi derdora wê ya Ereb û herêmî re, ku ji ber siyasetên rejîma Serokê berê Sedam Husên gelek zirar dîtibûn, bi vî awayî, bi saya siyaset û hewldanên wî yên baş, Îraq bû egera aramî û aştiyê li herêmê, ewqas ku Lêvgerê Olî ya herî bilind li cîhanê, Semahet Seyîd Sîstanî, li ser wî got: Mam Celal valva (Semam El Eman) ya ewlehiyê ya Îraqê ye," û hemî aliyên siyasî yên li Îraqa nû şahidiya vê yekê kirin.

Di sala 1981an de, Civata Giştî ya Neteweyên Yekbûyî (NY) bi yekdengî 21ê Îlonê wekî Roja Cîhanî ya Aştiyê ragihand,ev roj ji bo xurtkirin û çespandina aştiyê bi riya çalakiyên ne tundûtûjî, perwerde û hişyariya giştî hatiye veqetandin.

PUKMEDIA