Ji ber bombeyek Şerê Cîhanê yê Duyem bi hezaran kes ji deverek ya Berlînê hatin derxistin

SPIEGEL Panorama

Pûçkirina Bombeyek Şerê Cîhanê li Berlînê

Li gorî rojnameya spanî La Tercera, piştî ku bombeyeke Şerê Cîhanê yê Duyemîn li Çemê Spree, ku di Berlîn paytexta Almanya re derbas dibe, hate dîtin , rayedarên Alman roja Înê bi hezaran kes ji malên wan yên li navenda Berlînê derxistin.

Rojnameyê destnîşan kir ku polîsên Alman piştrast kirin ku valakirina çend hezar niştecihên bandordar yên li herêma derdora Fischerinsel di demjimêrên danê serê sibê de qediya ye, û zêdetirî 800 kes li xaniyên awarte penaber bûne, daxuyaniya polîsan zêde kir ku pispor û noqav amadekariyan dikin ku bombeyê bêbandor bikin.

Rojnameyê aşkere kir ku bombe di dema xebata rûtîn ya roja Pêncşemê de hatiye dîtin, ev yek jî bûye sedem ku rayedar hemû niştecihan derxînin, ev yek dê bandorek girîng li ser geştiyaran bike, ku ew jî neçar man bên derxistin, ji bo bicihkirina wan, li Şaredariya Berlînê xanîyên awarte hatine peyda kirin.

Sala borî jî, berpirsên Almanya li navçeya Schmargendorf ya Berlînê, ku piştî dîtina bombeyeke Şerê Cîhanê yê Duyemîn, 7 hezar û 500 ji malên wan derxistibûn ku Polîsên Alman hewl didan wê bombeyê bê bandor bikin.

Beriya demekê jî di dema xebatên di avahîsaziyê yên li herêmê de bombeyek e 250 kîloyî ya Şerê Cîhanê yê Duyemîn dîtin û li gorî polîsan, karkeran bombe li şantiyeya înşaetê keşf kirin.

PUKMEDIA