Civata Wezîran:Divê rêgirî li dayîna mûçeyan neyê kirin

Ragihandina Civata Wezîran

Civîna Civata Wezîran

Îro; Çarşem rêkefta (17-09-2025) an Civata Wezîran ya Herêma Kurdistanê ji bo gotûbêjkirina pêşketinên dawî derbarê hinardekirina petrolê, dahatên ne petrolî, mûçe û mafên darayî û mekanîzm û rêkarên cî bi cîkirina pabendiya Hikûmeta Fedral û Hikûmeta Herêma Kurdistanê civiya.

Her di civînê de Civata Wezîran tekez kir ku Hikûmeta Herêma Kurdistanê hemû erk û pabendiyên xwe yên destûrî cî bi cî kiriye,û hemû nermbûnek jî nîşan daye daku hemû pirsgirêk û astengiyên teknîkî ku wekî behane ji bo neşandina mûçeyan hatine bikar anîn ji holê rabin,lewra divê ev pirsgirêk êdî nebin asteng li pêşiya dayîna mûçeyên mûçexwerên Herêma Kurdistanê, ku ev mafê wan yê yasayî û rewa ye, divê mûçeyên wan ji hêla hikûmeta federal ve werin şandin.

Piştre endamên şandeya danûstandinan hûrguliyên pêşniyara hevbeş ya dawî ya her du hikûmetên federal û herêmî yên derbarê ji nû ve destpêkirina hinardekirina petrolê pêşkêş kirin piştî ku Hikûmeta Herêma Kurdistanê hefteya borî ew yek pesend kir û şand Bexdayê.

Di xala duyemîn ya civînê de,Civata Wezîran mijara hevrêzkirina li ser tedbîrên darayî, tevî mijara bacan di navbera Hikûmeta Herêma Kurdistanê û hikûmeta federal de, gotûbêj kir, Civata Wezîran ji nû ve tekez kir ku Herêma Kurdistanê wekî pêkhateyek e federal, bi berçavgirtina desthilat û taybetmendiyên destûrî yên Herêma Kurdistanê yên di destûra herdemî ya Îraqê de hatine cêgirkirin tê destnîşankirin, mafê wê heye ku desthilatên xwe yên destûrî û taybetmendiyên xwe yên darayî bikar bîne; û ji bo vê armancê jî, Wezareta Darayî û Aborî ; Rêveberiya Giştî ya Bacan ya Herêma Kurdistanê erkdar kirin ku di çarçoveya destûrê de bi hevahengî, hevkarî û peywendiyên digel hevtayên xwe yên di hikûmeta federal de pêş bixin.

 PUKMEDIA