Civata Wezîran li ser mijara petrolê du biryaran da

Ragihandina Civata Wezîrên Îraqê

Civîna Civata Wezîrên Îraqê

Civata Wezîrên Îraqê roja Sêşemê 16ê Îlona 2025an civîneke asayî li dar xist û li ser du biryarên girîng yên li ser mekanîzmaya danûstandinê bi kompaniyên petrolê yên biyanî û pirsgirêka petrolê li Herêma Kurdistanê deng da.

Li gorî zanyariyên PUKMEDIA, Civata Wezîrên Îraqê razî bûye ku ji bo her bermîlekê 16 Dolar bide kompaniyên petrolê, lê ev pere bi next nayê dayîn, li şûna wê, ewê bi qasî mafên wan yên darayî yên petrolê be û kompania bi xwe dê berpirsiyarê firotina petrolê bin.

Her wiha peymana sê alî ya di navbera Herêma Kurdistanê, Bexdayê û kompaniyan de ku di rojên dawî de di navbera şandeya Herêma Kurdistanê û Îraqê û kompaniyên petrolê de hatibû amadekirin, pesend kir,lê, mercê cîbicîkirina vê biryarê ew e ku hikûmeta Îraqê peymanê pêşkêşî komîteya şêwirmendiyê ya Wezareta Petrolê ya Îraqê bike, tê çavrêkirin ku komîte di nav 48 demjimêrên bê de bersiva xwe ya dawî bide û ew bikeve warê cî bi cîkirinê.

Herêma Kurdistanê û Bexda li ser petrolê rêkeftin

Di civînê de her wiha li hev hat kirin ku tenê 50 hezar bermîlnya petrolê ku li Herêma Kurdistanê tê hilberandin, ji bilî qasî ku bi kompaniyên Epicor ve girêdayî ye, ji bo xerckirina navxweyî were bikar anîn, mayî jî rasterast radestî SOMOyê were kirin,pispor û aborînas van her du biryaran wekî pêngavên girîng ji bo vekirina xala kor ya hinardekirina petrolê û çareserkirina pirsgirêkên mayî yên di navbera Hewler û Bexdayê de dinirxînin.


PUKMEDIA