Sûdanî: Hilbijartin di dema xwe de dê bi rêve biçe

Medya

Serokwezîrê Îraqê Mihemed Şeyah Sûdanî

Serokwezîrên Îraqê Mihemed Şeyah Sûdanî ragiahnd ku hilbijartin prensîbeke sereke ya demokrasiyê ne û di dema xwe de dê bi rêve biçe

Serokwezîrên Îraqê Mihemed Şeyah Sûdanî di gotarekê de di Roja Demokrasiyê ya Cîhanê de got: Me di du deh salên borî de di cî bi cîkirina demokrasiyê de gelek serkeftin bi dest xistine û hilbijartin prensîbeke sereke ya demokrasiyê ne û Hilbijartina Civata Nûneran di dema xwe de dê bi rêve biçe.

Her weha got: Eger li herêmê welatek hebe ku mafê pîrozkirina Roja Demokrasiyê ya Cîhanê heye, ew Îraq e ji ber ku wê mînakek bêhempa ya jiyana hevbeş û veguhestina aştiyane ya desthilatdariyê li Rojhilata Navîn pêşkêş kiriye.

Îraq piştî bi dehsalan têkoşîn, qurbanîdan û pêşkêşkirina deh hezaran şehîdan di gorên komî, Helebçe û Enfalê de demokrasiyê bi dest xistiye.

PUKMEDIA