Êrîşên li ser Ukrayna bihayê petrolê bilind kiriye

Medya

Berhemanîna Petrolê

Îro Sêşem rêkefta (16-09-2025 ) an Bihayê petrolê li bazarên Asya ji ber fikarên zêde yên li ser astengiyeke dibekî ya dabînkirinê ji ber êrîşên Ukrayna yên li ser saziyên petrolê yên Rûsya zêde bûne.

Bihayê petrola Brênt bi rêjeya ji sedî 0,3 bilind bûye ku bihayê her bermîlek petrolê gihîştiye 67 Dolar û 63 Sentan, di heman demê de bihayê her bermîlek petrola West Texas ji sedî 0,3 bilind bûye û gihîştiye 63 Dolar û 21 Sentan.

Ev bilindbûna bihayê petrolê di demekê de tê ku Ukrayna di du hefteyên borî de êrîşên xwe li dijî Rûsya berfireh kiriye, bi taybetî piştî ku danûstandinên aştiyê yên bi navbeynkariya Amerîka ku heya astekê bê encam bûn.

Hikûmeta Kîev di demên dawî de bi taybetî damezrawên petrolê yên Rûsya armanc girtiye daku şiyana Moskow ya ji bo dabînkirina darayî ya şerê li dijî Ukrayna lawaz bike, her weha hefteya borî Serokê Amerîka Donald Trump daxwaza sepandina sizayên pileya duyemîn li ser pîşesaziya petrolê ya Rûsya kir,vê carê kiryarên mezin yên wekî Hindistan û Çînê kiriye armanc.

Her weha Trump daxwaz ji NATO, Yekîtiya Ewropa û Grûpa (G7) kir ku dev ji kirîna petrola Rûsya berdin û fişarên gumrukê li ser Hindistan û Çînê zêde bikin.

PUKMEDIA