Di dîroka Nepalê de Shoshila Karki yekem serokwezîra jin e

Reuters

Şoshîla Karkî Serokwezîra nû ya Nepalê

Piştî xwepêşandanên girseyî ku hikûmeta berê hilweşandin, Şoshîla Karkî bû yekem serokwezîra jin ya demkî ya welatê Nepalê.

Seroka Dadgeha Bilind ya Nepalê ya berê Shoshila Karki ya temen 73 salî, duh roja Înê sonda yasayî xwar û piştî lihevkirinekê bi serkirdeyên xwepêşandanan re, bû yekem serokwezîra jin ya wî welatî.

Di heyama xwepêşandanên girseyî de ku li paytext Katmandu û bajarên din piştî biryara nakok ay hikûmetê ya qedexekirina platformên medyaya civakî dest pê kirin, di şer û pevçûnên bi hêzên ewlehiyê re zêdetirî 50 kes hatin kuştin, di heman demê de avahiya parlemanê û çend saziyên hikûmetê hatin şewitandin, ev yek jî bû sedem ku Serokwezîr Kay Bî Sharma Oli dest ji kar bikşîne.

Lihevkirina siyasî hilweşandina parlemanê û ragihandina hilbijartinên giştî di 5ê Adara bê de dihewîne.

Shoshila Karki dê di nav çend rojên bê de hikûmetek demkî ava bike ku ew ji ber durustiya xwe û piştgiriyek girîng ji nifşê ciwan, bi taybetî rêberên xwendekaran yên ser bi Nifşa Z, xwedî navûdengek baş e.

Shoshila Karki kiye?

Shoshila Karki, ji malbateke xwedî peywendiyên nêzîk bi Partiya Kongreya Nepalê re tê.

Di sala 2016an de wek Seroka Dadgeha Bilind kar dikir, lê di dema 11 heyvên karê xwe de rastî hewldanên ji bo dûrxistina wê ji kar hat; ew bi kariyera xwe ya dirêj di parastina serdestiya hiqûqê de tê nasîn, û mêrê wê, ku serokê berê yê partiyê ye, piştgirî da kariyera wê ya siyasî û dadwerî.

Ev yek di demekê de ye ku hêzên artêşê di nav aloziyan de li paytextê bi cih bûne, di heman demê de çavdêr bawer dikin ku damezrandina Shoshila Karki destpêka qonaxek siyasî ya nû nîşan dide ku dikare pêşeroja demokrasiya nû ya Nepalê diyar bike.

PUKMEDIA