NY deng bo yekalîkirina du dewletan û avakirina dewleta Filistînê dide

Ajans

Civîna Civata Giştî ya Neteweyên Yekbûyî

Civata Giştî ya Neteweyên Yekbûyî du roja Înê rêkefta  12ê Îlona 2025an, beriya civîna salane ya serokên cîhanê li New Yorkê, bi piraniya dengan biryar da ku daxuyaniyekê bide ku banga pêngavên berbiçav, bi demê ve girêdayî û bê veger ber bi çareseriyek du dewletan di navbera Îsraîl û Filistîniyan de dike.

Biryar ji aliyê 142 welatan ve hate piştgirîkirin, 10 welatan li dijî wê derketin û 12 welat jî bê alî man, di nav de şermezarkirina êrîşên Îsraîlê yên li ser sivîl û jêrxana Xezeyê, dorpêçkirin û birçîbûn, û her wiha şermezarkirina êrîşên Hamasê yên di 7ê Cotmeha 2023an de hebûn, di heman demê de tekez li ser pêwîstiya bidawîkirina şer hate kirin.

Ev danezana heft rûpelî encama konferanseke navneteweyî bû ku di Tîrmeha borî de ji aliyê Erebistana Siûdî û Fransa ve hatibû lidarxistin û li ser nakokiya Filistîn-Îsraîlê gotûbêj kiribû, û di serê rojevê de naskirina Welatê Filistînê hebû.

Biryar e lîsteya dawî ya welatên ku piştgiriyê didin naskirinê di konferansek Fransa-Siûdî de roja 22ê Îlon ya sala 2025 an, li kêleka civînên Civata Giştî, were temamkirin ku serkirde û serokên cîhanê Serok dê di rûniştinên gotûbêja giştî yên ji roja 23 heta 29ê Îlonê de bi fermî helwestên welatên xwe ragihînin.

Hêjayî gotinê ye ku Serok komarê Fransa Emmanuel Macron di heyva Tîrmeh ya sala 2025an de di civînên Îlonê de niyeta welatê xwe ya naskirina Welatê Filistînê ragihand, û Fransa jî piştî zêdetirî deh welatên rojavayî soz da ku pêngaveke bi vî rengî bavêje.

Erebistana Siûdî û Fransa bi hevre serokatiya konferansa çareseriya du dewletan kirin, ku di heyva Hezîran ya borî de, di nav lihevkirinek berfireh ya navneteweyî de li ser çareseriyek e dadperwerane ji bo pirsgirêka Filistînê û redkirina siyaseta "birçîkirina Xezeyê" dest pê kir.

Neteweyên Yekbûyî her wiha li ser navê Riyaz û Parîsê biryarnameyeke devkî pesend kir, ku têde daxwaza ji nû ve destpêkirina konferansa navneteweyî ya asta bilind ya li ser çareseriyeke aştiyane û çareseriyeke du welatan bi lihevkirinekê, bêyî ku hewcedariya dengdanê hebe, kir.

PUKMEFDIA