Serokê Amerîkayê bi serokwezîrê Qeterê re dicive

Medya

Serokê Amerîka Donald Trump û serok wezîrê Qeterê

Serokê Amerîkayê Donald Trump dê îro bi Serok Wezîrê Qeterê Mihemed bin Ebdulrehman bin Casim El sanî re bicive da ku li ser êrîşa Îsraîlê ya li ser Dohayê û danûstandinên agirbesta Xezayê gotûbêj bike.

Medyayên Amerîkayê ragihandin ku serokwezîrê Qeterê dê ji bilî rewşa danûstandinên bi Hamasê re, li ser êrîşa Îsraîlê ya li ser Dohayê jî wê bi Trump re gotûbêj bike.
Serokwezîr dê her wiha bi Wezîrê Derve Marco Robio, Cîgirê Serok JD Vance û Nûnerê Taybet ê Amerîkayê yê Rojhilata Navîn Steve Witkoff re jî bicive.

Her çend malpera Axios ji du çavkaniyan ragihand ku Qeter têkiliyên xwe yên ewlehî û parastinê bi Dewletên Yekbûyî re dinirxîne jî, Lê Doha, tevî redkirina raporê dupat kir ku hevkariya wê ya ewlehî û berevaniyê bi Dewletên Yekbûyî re ji her demê bihêztir e.
Civîna di navbera serokwezîrê Qeterê û serokê Amerîkayê de piştî êrîşa Îsraîlê ya li ser civîna serkirdeyên Hamasê di 9ê Îlona 2025an de tê, ku şeş kes kuştin û bertekek navneteweyî derxist holê.

PUKMEDIA