Qubad Talebanî: Kurdistan dikare bibe sebeta xwarinê ya Îraqê

Ragihandina Qubad Talebanî

Civîna Qubad Talebanî digel şandek e bilind ya Îmaratî

Cîgirê Serokwezîr Qubad Talebanî pêşwazî li şandek e bilind ya bi serokatiya Seîd El-Hacirî, Nûnerê Taybet yê Wezîrê Derve yê Îmaratê ji bo Karûbarên Aborî kir; û di civînê de li ser çawaniya bi hêztirkirina peywendiyên bazirganî yên di navbera herdu welatan de û derfetên veberhênanê li Herêma Kurdistanê hat gotûbêj kirin.

Di civîna ku roja Çarşemê rêkefta (10 - 09 -2025) li Hewlêrê birêve çû, Cîgirê Serokwezîran ragihand ku Hikûmeta Herêma Kurdistanê girîngiyek e taybetî dide peywendiyên digel Îmaratê yên û dixwaze kompaniya û veberhênerên Îmaratî beşdarîyek e mezin di pêvajoya pêşxistina Kurdistanê de bikin.

Şanda Îmaratê ku ji bo dîtin û nirxandina derfetên veberhênanê serdana Kurdistanê kiriye, ragihand ku ew armanc dikin ku projeyên veberhênanê yên mezin û demdirêj li Herêma Kurdistanê cî bi cî bikin.

Cîgirê Serokwezîran zelal kir ku li Herêma Kurdistanê derfetên mezin hene, bi taybetî di warên çandinî, geştiyariyê û wuzeya nûjenkirî de ji bo weberhêrên Îmratî û got: Kurdistan dikare bibe sebeta xwarinê ya tevaya Îraqê û heta berhemên xwe yên çandiniyê jî dikare bişîne bazarên derve.

Her di vê çarçoveyê de, Qubad Talebanî daxwaz ji şandeyê kir hana veberhênerên welatê xwe bide ku li van deveran li Kurdistanê veberhênanê bikin, ji ber ku ji bilî dabînkirina her cûre karasaniyê ji bo wan, Herêma Kurdistanê di van waran de xwedanê hêzek e çalak û jêhatî ye.

PUKMEDIA