Qubad Talebanî: Divê projeyên geştiyarî yên Serçinar bên temamkirin

Ragihandina Cîgirê Serokwezîran

Qubad Talebanî, Cîgirê Serokwezîrê Herêma Kurdistanê

Cîgirê Serokwezîr Qubad Talebanî,îro roja Yekşem rêkefta (07/09/2025) ji bo şopandina karûbarên projeyên geştiyarî yên bendavên Serçinar û Çeqçeq, serdana projeyan kir û digel aliyên peywendîdar, veberhêner û kompaniyên cîbicîkar civiya.

Cîgirê Serokwezîr piştî serdana projeya Bendava Çeqçeq, digel rêveber û kompaniyên cîbicîkar civiya û di civînê de li ser pirsgirêkên ku di dema cîbicîkirina bendavên Çeqçeq û Serçinar de derdikevin pêş gotûbêj kirin.

Derbarê Bendava Çeqçeq ku demek dirêj e di bin çêkirinê de ye, Qubad Talebanî ji kompaniyên cîbicîkar xwest ku lezê bidin karên xwe daku di dema xwe de were temam kirin û aliyên peywendîdar raspard ku Bendava Serçinar ya niha di qonaxa sêwirandinê de ye, bilez bikin daku pêkanîna wê dest pê bike.

Bendava Çeqçaq dikare neh milyon metrekûp av û Bendava Serçinar jî dikare du milyon metrekup av bigire û di çarçoveya projeyên geştiyariyê yên li Sarçinar de têne bicîhanîn, bi temamkirina wan, ewê ne tenê dîmenek geştiyarî ya xweşik bidin herêmê,di heman demê de dê bandorek e mezin jî li ser jîngeh û ava binê erdê bikin.

Paşê Qubad Talebanî civîneke din bi veberhêner û dezgehên peywendîdar yên Silêmaniyê re li darxist daku karûbarên her pênc herêmên geştiyariyê yên Serçinarê bişopîne, piştî lêkolîna pirsgirêkên ku veberhêner pê re rû bi rû dimînin got: Pêkanîna van projeyên geştiyariyê pêşîniyek ji bo hikûmetê û karê wî yê şexsî ye, ji ber ku ew ê bandorek girîng li ser pêşketina aborî û xurtkirina jêrxana geştiyariyê ya Kurdistan û Silêmaniyê bike û dê hejmareke girîng ji derfetên kar ji bo akinciyên Silêmaniyê biafirîne.

Qubad Talebanî rêveberiyên peywendîdar erkdar kir ku karûbarên îdarî û yasayî yên projeyan di zûtirîn dem de temam bikin;her wiha tîmek taybet li Nivîsingeha Cîgirê Serokwezîr ava kir daku ew karûbarên projeyan hevrêz bike û bi berdewamî kar bişopîne.

PUKMEDIA