Bi amadebûna Putin û Kîm de Çîn hêza leşkerî nîşan dide, Trump wan bi komployê tawanbar dike

Reuters

Nimayîşkirina leşkerî

Îro Çarşemê 3/9/2025 Çînê çekên nifşê nû, di nav de balafir û şerkerên nifşê çaremîn ên li ser barkêş balafiran, wesayîtên dijî-dronan, û mûşekên pêşketî, di nav de mûşekên pir pêşkeftî pêşkeşkirineke mezin nîşan dan, di bîranîna salvegera 80emîn a têkçûna Japonyayê di dawiya Şerê Cîhanê yê Duyemîn de nîşan da.

Serokê Çînê Xi Jinping, digel 26 serokên cîhanê, di nav de serokê Koreya Bakur Kim Jong Un û Serokê Rûsyayê Vladimir Putin, di wesayîteke ser vekirî de leşker û alavên leşkerî kontrol kirin.

Ev çalakî beşdariya yekem a serokê Koreya Bakur di çalakiyeke piralî de nîşan da.
Zêdetirî 10 hezar leşker û bi sedan balafir û otombêlên leşkerî beşdarî çalakiyê bûn, her weha hemû çek û alavên leşkerî yên ku li Çînê hatine pêşandan li Çînê hatine çêkirin û jixwe di xizmeta hêzên çekdar ên welêt de ne.

 Ajansa Nûçeyan a fermî ya Xinhua (Şînxwa) ya Çînê piştrast kir ku Çînê cara yekem hêzên xwe yên stratejîk ên bejahî, deryayî û esmanî di sêgoşeyek etomî de di roja Serkeftinê de pêşkêş kirin.
Pêşkêşkirin 70 xulakan dirêj kirtijî sembol û propagend bû, 80 hezar qumri aştiyê û nafoqên renge û reng firandin. Ev duyemîn merasîma wisa ye ku Çînê ji bo bîranîna serkeftina li hember Japonya birêxistin kiriye, piştî ya yekem ku di 2015an de di salvegera 70emîn de hatibû lidarxistin.

Trump: Hûn li dijî me komployê dikin

Li ser Truth Social, Serokê Dewletên Yekbûyî yên Amerîkayê Donald Trump rola Amerîkayê di alîkariya Çînê de ji bo misogerkirina azadiya xwe ji Japonyayê destnîşan kir.

Trump zêde kir: Silavên min ên germ bighînin Vladimir Putin û Kim Jong Un, dema ku hûn li dijî Dewletên Yekbûyî yên Amerîkayê komployê dikin. Got jî gelek Amerîkî mirine da ku Çîn serkeftin û rûmetê bi dest bixe. Ez hêvî dikim ku ew ê bi awayekî rast werin rûmetdarkirin û ji bo wêrekî û fedakariya xwe werin bîranîn.
Trump berê ji rojnamevanan re gotibû ku ew nimayeşkirina leşkerî wek dijberî li hember Amerîkayê nabîne û tekez li ser "têkiliya xwe ya pir baş" bi Xi re kir.
Alîkarê serokê Rûsyayê Yuri Ushakov bersiva îdiaya Serokê Dewletên Yekbûyî yên Amerîkayê Donald Trump da ku Vladimir Putin, Kim Jong Un û Xi Jinping li dijî Amerîkayê komployê dikin. Dema ku li ser şîroveyên Trump ji Ushakov hat pirsîn, wî got "Ez dixwazim bibêjim ku tu komplo nehatine kirin, kesî komplo nekiriye, qet komployek çênebûye, û ji bilî vê, tu yek ji van hersê rêberan jî li ser van fikran nefikiriye.

PUKMEDIA 

PUKMEDIA