Parêzgarê Kerkûk: Xwendekarên zanîngeha Kerkukê dikarin bi zimanê ku dixwazin bersiv bidin

Ragihandina parêzgarê Kerkûkê

Parêzgarê Kerkûkê Rêbwar Taha û wezîrê xwendina bilind

Parêzgarê Kerkukê piştrast kir ku xwendekarên zanîngehên Kerkukê dikarin pirsên azmûnê bi zimanê ku ew dixwazin bibersiv bidin.

Di 28ê Tîrmehê de, Parêzgarê Kerkukê Rêbwar Taha serdana Dr. Neîm El-Ebûdî, Wezîrê Federal ê Xwendina Bilind û Lêkolînên Zanistî kir û bi wî re li ser wê yekê axifîn ku pirsên ezmûnan bo zimanê kurdî were wergerandin da ku xwendekar bi kurdî bersivan bidin.
Wezîrê Xwendina Bilind daxwaza parêzgarê Kerkûkê qebûl kir û pejirand ku xwendekarê bi zimanê ku dixwazin bersiv bidin.

Li gorî daxuyaniyek ji Ofîsa Parêzgarê Kerkukê, ku ji hêla PUKMEDIA ve hatî wergirtin, Rêbwar Taha şeva borî Yekşem 31ê Tebaxa 2025an, ji bo gotûbêjkirina heman mijarê careke din bi Wezareta Xwendina Bilind re têkilî danî. Hat piştrast kirin ku xwendekarên zanîngehên Kerkukê dikarin pirsên azmûnê bi zimanê ku ew dixwazin bibersivînin.

Di daxuyaniyê de hat ravekirin ku "ji Serokê Zanîngeha Kerkukê re hat pêşniyar kirin ku mamosteyên zanîngehan agahdar bike ku amadekariyên tevahî bikin û pirsên azmûnê wergerînin zimanê Kurdî, da ku xwendekar bikaribin bi zimanê ku ew dixwazin bersiv bidin.

PUKMEDIA