Serok Komarê: Pir rengî ji bo gel çavkaniya hêzê ye û derfetek e ji bo avakirina pirên têgihîştinê

Ragihandina Serok Komar

Serok Komarê Îraqê Ebdul Latîf Cemal Reşîd

Serok Komarê Îraqê Dr. Ebdul Latîf Cemal Reşîd, roja Yekşemê 24ê Tebaxa 2025an Navenda Çandî ya Erebî-Kurdî li Bexdayê vekir, ku bi amadebûna wezîrê Çand, Geştiyariyê û Kevnarî, Dr. Ehmed Fekak el-Bedranî û wezîrê Jîngehê, Dr. Helo El-Eskerî, û hejmarek rayedar û kesayetên çandî û wêjeyî yên ji Bexda û Herêma Kurdistanê beşdarî merasîma vekirinê bûn.

Di merasîmê de, Serok Komar gotarek pêşkêş kir û tê de tekez kir ku vekirina vê navendê ne tenê bûyerek çandî ye lêbelê ew gavek e ber bi xurtkirina têkiliyên çandî, zêdekirina berhemanîna rewşenbîrî û afirînerî, û veguherandina vê navendê bo malek yekgirtî ji bo pêşengên çandî li welatê me. Wî destnîşan kir ku aramiya dewletê û hêza pergala wê ya demokratîk ji kûrahiya çandê di civakê de derdikeve.

Amaje bi wê yekê jî kir ku têkiliya çandî ya di navbera Ereb û Kurdan de îro dest pê nekiriye; kokên wê di kûrahiya dîrokê de ne, ku bi sedan salan vedigerin. Rewşenbîr û nivîskarên Kurd, ligel birayên xwe yên Ereb bi bandor beşdarî vejîna rewşenbîrî û wêjeyî ya Îraqê bûne. Em hewl didin ku çalakiyên çandî yên hevbeş vegerînin serdema xwe ya zêrîn.

PUKMEDIA