Çavdêrê navçeya hilbijartinê Xaneqînê hate destnîşankirin

PUKMEDIA

Wêneyek ji civînê

Bi amadebûna Emad Ehmed, Dr. Xesrew Gul, endamên Mekteba Siyasî, Şêrko Mîrweys, berpirsê malbenda  Xaneqînê û hevalên malbenda Xaneqînê, Şêx Cemal Talebanî wek çavdêrê navçeya hilbijartinê  Xaneqînê hate destnîşankirin.

Di merasîma ku li Hola Şehîdên  Bazên Sor a Xaneqînê hat lidarxistin de, her yek ji hevalan li ser dîroka serwer a Xaneqînê û gelê wê yê berxwedêr di têkoşîna rizgariya gelê Kurd û şoreşa nû de axivîn. Dr.Xesrew Gul û Emad Ehmed bal kişandin ser pêşketin û guhertinên siyasî û helwest û stratejiya YNKê pêşkêş kirin û tekezî li ser pabendbûna bi siyaseta neteweyî re kirin ji bo çareserkirina pirsgirêkan û derbaskirina dijwarîyan, bi taybetî pirsgirêka mûçeyê gelê Kurd.

Ji nû ve rêxistinkirina desteyan û amadekirina ji bo pêkanîna erkên partîyê li gorî îradeya gel û xizmeta zêdetir ji bo Xaneqînê mijarek din a civînê bû ku bi berfirehî hate nîqaş kirin.

Piştre heval Şêx Cemal Talebanî di gotarekê de tekezî li ser cîbicîkirina biryar û pêşniyarên serkirdayetiya Yekîtiya Nîştimanî ya Kurdistanê (YNK) ji bo xizmetkirina gel û pabendbûna bi parastina siyaseta Serok Mam Celal û pêşxistina ruhê jiyana hevbeş li Xaneqînê kir. Em ê erkên xizmetkirina herêmê û xelkê Xaneqînê bispêrin wan û bi gelê xwe re em ê ber bi qonaxek çêtir ve biçin.

PUKMEDIA