Serok Bafil: Divê ragihandina YNKê nebe beşek ji pirsgirêkan

Nivîsgeha Ragihandinê ya Serokê YNKê

Serok Bafil û Buroya Ragihandin û Hişyariyê

Bafil Celal Talebanî, Serokê Yekîtiya Niştimanî ya Kurdistanê (YNK), li Debaşanê bi Buroya Ragihandin û Hişyariyê re civiya.

Cîgirê Serokê YNKê Rifaat Abdullah, berpirsê  Buroya Ragihandin û Hişyariyê Emad Ehmed, berpirsê bordê Ragihandin Letîf Nêrweyî û berpirsê bordê Hişyariyê  Necmedîn Feqe beşdarî civînê bûn.

Heval Emad Ehmed li ser erk, guhertin û ji nû ve rêxistinkirina ragihandina YNKê ravekirinek pêşkêş kir û tekezî li ser pabendbûna bi siyaseta ragihandina profesyonel, Kurdistanî û berpirsiyar a YNKê kir.

Bafil Celal Talebanî pesnê xebata dijwar û rola profesyonel a rojnamevanên YNKê da ku bi dilsozî erkên xwe pêk tînin û pabendî stratejiya neteweyî û hevsengiya YNKê ne da ku peyamên xwe bigihînin û got, ev rêya rast e ku ragihandina me ji yên  din cuda dike.

Derbarê rola ragihandina YNKê di vê qonaxê de, Serok Bafil bal kişand ser guhertinan û siyaseta karê ragihandinê ji bo vê qonaxê şîrove kir û got ku divê ragihandina  YNKê nebe beşek ji pirsgirêkan, lê divê bibe beşek ji çareseriyê, yekîtîyê biparêze û zimanê diyalogê serdest bike, bi şopandina siyasetek giran û hevseng a li ser bingeha exlaq û pîşeya ragihandinê û divê qet dudilî nebe ku rastîyê bêje.

Di civînê de, Serokê Yekîtiya Niştimanî ya Kurdistanê (YNK) tekezî li ser pêwîstiya pêşxistina hişmendî û çandê di hemû organan de kir.Her wiha spasiya hevalên Buroya Hişyariyê kir û ji wan xwest ku bêtir bala xwe bidin çalakiyên xwe û bi saziyên din ên YNKê re hevkariyê bikin û xwe li gorî guhertinên demê re biguncînin.

PUKMEDIA