YNK hewlên berdewam dide ji bo ji nû ve avakirina Şingalê

PUKMEDIA

Logoya Yekîtiya Niştimanî ya Kurdistanê

Mekteba Siyasî  Yekîtiya Niştimanî  ya Kurdistanê (YNK) di daxuyaniyekê de li ser salvegera 11’mîn a qirkirina  bi komî Êzidiyan ragihand:" Piştgiriya xwe ji bo her gavek ku bibe sedema vejîn û aramiya Şingalê û naskirina vê tawanê  wekî qirkirina bi komî  li ser asta navneteweyî ji nû ve piştrast dike. "Ji her demê bêtir, em hewceyê biryarek yekgirtî di navbera Hikûmeta Herêma Kurdistanê û hikûmeta federal de ne, ku hemû partîyên li Kurdistanê piştgirîya wê dikin da ku hemû penaber vegerin welatê xwe.’’

Nivîsa peyamê:

Di salvegera yazdehemîn a qirkirina bi komî xwişk û birayên Êzidî û dagirkirin û wêrankirina di hêla terorîstên DAIŞê ve  li ser Şingal û derdora wê de, em rêz li şehîdên vê karesata li dijî mirovahiyê digirin û vê salvegerê bi xemgîniyek êşdar bi bîr tînin.

Êzidî, wekî xwediyên resen ên Şingal û derdora wê, her tim di pêşengiya tevgera Kurd de bûne û roleke wêrek lîstine.

Piştgiriya xwe ji bo her gavek ku bibe sedema vejîn û aramiya Şingalê û naskirina vê tawanê  wekî qirkirina bi komî  li ser asta navneteweyî ji nû ve piştrast dike. "Ji her demê bêtir, em hewceyê biryarek yekgirtî di navbera Hikûmeta Herêma Kurdistanê û hikûmeta federal de ne, ku hemû partîyên li Kurdistanê piştgirîya wê dikin da ku hemû penaber vegerin welatê xwe’’

Silav li ser ruh ê  şehîdên Şingalê û hemû şehîdên tevgera rizgariya Kurdistanê be

Mekteba Siyasî  Yekîtiya Niştimanî  ya Kurdistanê

PUKMEDIA