Şanda Îmraliyê: Peyama Ocalan israra li ser aştiyê ye

Kurdistan 10:17 AM - 2025-07-26
Ocalan û şanda Îmraliyê hevdîtin dikin Arşîv

Ocalan û şanda Îmraliyê hevdîtin dikin

Bakurê Kurdistanê

Şandeya Îmraliyê ya ku bi birêz Abdullah Ocalan  re hevdîtin kir, wiha got: “Birêz Ocalan destnîşan kir ku ew li bendê ye ku xebata komîsyonê ya li meclisê berfireh be û bi rêbazeke berfirehker tevkariyeke girîng li aştî û demokrasiyê bike.”

Daxuyaniya nivîskî ya Şandeya Îmraliyê bi vî rengî ye:

“Ji çapemeniyê û raya giştî re,

Wekî Şandeya Îmraliyê ya DEM Partiyê, me di 25'ê Tîrmeha 2025'an de li Girtîgeha Îmraliyê bi birêz Abdullah Ocalan re hevdîtineke sê saet û nîvan pêk anî.

Me têkildarî hevdştinên ku çend roj berê bi birêz Serokkomar, birêz Wezîrê Dadê û serokên partiyên siyasî re kirin, danûstendin kir.

Têkildarî merasîma îmhakirina çekan a di 11'ê Tîrmehê de hat lidarxistin, çavdêrî û bandorên merasîmê agahî hatin ragihandin. Birêz Ocalan jî, diyar kir ku awayê merasîmê, vîna hatiye nîşandan, bîr, bawerî û biryardariya hatiye nîşandan pir hêja ye.

Destnîşan kir ku ew li bendê ye ku xebata komîsyonê ya li meclisê berfireh be û bi rêbazeke berfirehker tevkariyeke girîng li aştî û demokrasiyê bike.
Silavên xwe ji gel û tevahiya derdorên civakî re şand.

Silav û rêz.

Şandeya Îmraliyê ya DEM Partiyê

26'ê Tîrmeha 2025'an."

PUKMEDIA


zêdetir tamaşe bike

zortrin xwendraw

Ji telefonên we re nûçeyan dinirin

Daxînin

Logo Aplîkêşin

Play Store App Store Logo
The News In Your Pocket