Wezareta Petrolê amarên hinardekirin û dahatan eşkere dike

Malpera Wezaretê

Wezareta Petrolê ya Iraqê

Wezareta Petrolê ya Iraqa  Federal, roja Înê 25ê Tîrmeha 2025an, amarên dawî yên li ser hinardekirina petrolê û dahatên ji wan hatine bidestxistin ên meha Hezîranê ragihand.

Di daxuyaniyekê de ku gihîştiye PUKMEDIAyê, Wezareta Petrolê li gorî amarên dawî yên ku ji hêla Rêxistina Bazarkirina Petrolê ya Dewletê (SOMO) ve ji bo petrola xav hatine weşandin, tevahî hinardekirina petrolê û dahatên ku di meha Hezîranê de hatine bidestxistin, ragihand.

Li gorî daxuyaniyê, "Hejmara hinardekirina petrola xav gihîştiye (98) milyon, (882) hezar û (613) bermîlan, û dahat jî ji (6) milyar, (698) milyon û (21) hezar dolarî zêdetir e." 

Li gorî daxuyaniyê, amaran nîşan daye ku "tevahî mîqdara petrola xav a ku ji bo meha Hezîranê ji zeviyên petrolê yên li navend û başûrê Iraqê hatiye hinardekirin gihîştiye (97) milyon û (718) hezar û (994) bermîlan, di heman demê de hinardekirina ji zeviya Giyareyê gihîştiye (946) hezar û (741) bermîlan, di heman demê de mîqdara hinardekirina bo Urdunê gihîştiye (216) hezar û (878) bermîlan." Wezaretê destnîşan kiriye ku "ji ber baweriya xwe ya agahdarkirina gel ji operasyonên hinardekirinê, wê ev tedbîra mehane girtiye."

PUKMEDIA