Amerîka: Rawestandina hinartina petrolê zirarê da kampaniyên me

Medya

Petrola Herêma Kurdistanê

Wezareta Derve ya Amerîkayê daxwaz kir ku di zûtirîn dem de petrola Herêma Kurdistanê were henardekirin û ragihand: Rawestana henardekirina petrol ziyan gihandiye hersê kampaniyên welêt, ev yek jî nayê pejirandin.

Berdevka Wezareta Derve ya Amerîkayê Tammy Bruce di kongireyeke çapemeniyê dedaxwaz kir: Divê Herêma Kurdistanê tavilê hinardekirina petrolê bi rêya boriya Êraq-Tirkiyeyê ji nû ve dest pê bike.
Amaje bi wê jî kir ku: Rawestandina hinardekirina petrolê bandor li sê kampaniyên Amerîkî kiriye, ku ev nayê pejirandin.

Bruce zêde kir: Pir girînge ku hikûmeta Êraqê, Hikûmeta Herêma Kurdistanê, kampaniyên petrolê û aliyên pêwendîdar bi lez û bez ji bo ji nû ve destpêkirina hinardekirina petrolê ji herêmê kar bikin.
Berdevkê Wezareta Derve yê Amerîkayê got: Rawestandina petrolê tenê geşekirina aboriya Êraqê asteng kiriye, ji ber vê yekê divê ev pirsgirêk di zûtirîn dem de were çareser kirin.

Di dawiyê de Tamî Biros tekez kir ku boriya bendera Cîhan rêyeke girîng e ji bo veguhestina petrolê bo bazarên cîhanê, ku sûdê dide aboriyên Êraq û Kurdistanê û her weha kampaniyên Amerîkî. Ji ber vê yekê, ji nû ve destpêkirina îxracata petrolê di berjewendiya Dewletên Yekbûyî, Herêma Kurdistanê, Êraqê û navçeyê de ye.

PUKMEDIA