Serok: Şaneyên DAIŞê li ser sînorê Iraq û Sûriyê ne

Ragîhandina Serokkomar

Dr. Letîf Reşîd, Serokkomarê Iraqê

Serokkomarê Iraqê Letîf Reşîd got ku fikra DAIŞê hîn jî wek gefek berdewam dimîne.Erkê civaka navneteweyî ye ku li dijî îdeolojiya DAIŞê şer bike û divê destûr neyê dayîn ku DAIŞê hebe û kar bike.

Di hevpeyvîna xwe ya dawî de bi Radyoya Neteweyî ya Spanyayê re, serokkomarê Iraqê bal kişand ser cihê DAIŞê û got:"Hin ji şaneyên DAIŞê li ser sînorê Iraq û Sûriyeyê mane û em ji bo çareserkirina vê pirsgirêkê bi hikûmeta Sûriyeyê re ji nêz ve hevkariyê dikin.’’

Dr. Letîf Reşîd behsa fikarên şerê li hin deverên rojhilat dike."Li Rojhilata Navîn her kes ji êrîşên berdewam ên Îsraîlê nîgeran e, çi li dijî Filistîniyan, Îran, Lubnan, Yemen, an gelek deverên din be, û divê ew rawestin.’’

Ew hêvî dike ku agirbesta di navbera Îran û Îsraîlê de berdewam bike ku bibe agirbestek daîmî û êrîşên din çênebin, tevî bombebarana rojane ya Îsraîlê ya li ser Xazzeyê, ku bi dehan an jî bi sedan sivîl û zarokên bêguneh dikuje.’’

Serokê Iraqê got ku sînorê her du welatan 400 kîlometre ye."Têkiliyên Îran-Iraqê pir baş in û Îran cîranê me ye. Me zêdetirî 1400 kîlometre sînor bi hev re hene. Ev têkilî ne nû ne, ew kevin in û têkiliyên me yên berfireh bi Îranê re hene.

Serokê Iraqê ji Serokê Dewletên Yekbûyî yên Amerîkayê Donald Trump re di hewildanên wî yên ji bo pêkanîna aştiya cîhanê de serkeftin xwest."Bêyî aştiyê, em ê hemî ji hêla aborî, civakî û dîplomatîk ve cefayê bikşînin."

PUKMEDIA