Tablêtên Serjimêriya Êraqê bûne cihê gengeşeyê

Me`ilûme

Tablêta Serjimêriyê

Wezareta Pilandanana Êraqê 12 hezar tablêt da Urdunê, ku di serjimêriya akinciyan ya sala borî de hatibûn bikar anîn, ku ev yek di asta navxweyî de bû sedema şaşiyeke mezin lewra wezaret neçar kir ku her hefteyê du caran zelalkirinê bide, heya niha jî ew babêt bi germî di rojeva ragihandinan de ye,Parlementerek jî dibêje: Zanyariyên serjimêriyê yên di tablêtan de dikarin werin vegerandin û ev metirsî ye.

Dayîna tablêtan karekî ne guncaw e

Di heman demê de, hejmarek endamên parlementerên Êraqê bi lez û bez li ser bexşandina tablêtên serjimêriya Êraqê hatin ser xetê, û gotin:Dayîna zanyariyan li ser tablêtan metirsîdar e, ji ber ku Urdun dikare zanyariyan bi riya teknolojiyê dubare werbigire.

Raid Malikî Parlementerê Êraqê ragihand ku ev amêr ji bo tomarkirina zanyariyên kesane yên Êraqiyan di dema serjimêriya giştî de, bi bernameyên cûr Bi cûr hatibûn bikar anîn, ji ber vê yekê bexşandina amêran ne guncaw e.


Raid Malikî got: Dikarin tablêtan bidin xwendekar û xwendingehên Êraqî û di warê perwerdehiyê de ji nû ve werin bikar anîn,em nizanin rola wezîran di vî warî de çi ye, ji ber ku ew li ser biryarên hikûmetê deng didin.

Li gorî pêdaçûna parlementerên Êraqî, 12 hezar tablêtên ku ji Urdunê re hatine bexşandin, ku nirxê wan zêdetirî 4 Milyar Dînar in ku zanyariyan ji bo xwendingehên Êraqî pêwîst dikin li xwe digire.

Amêr hatine formatkirin

Wezareta Pilandanan Êraqê di du daxuyaniyan de got:Yek ji wan daxuyaniyan ku roja Înê rêkefta 27ê Hezîrana 2025an de hatiye weşandin têde dibêje:Tenê 12 hezar ji van tablêtan ji hikûmeta Urdunê re hatine bexşandin, ku ew bi tevahî ji nûve hatine formatkirin û naveroka wan vala in, ku tenê ji sedî 5ê hejmara giştî ya amêrên ku di serjimêriya Êraqê de hatine bikar anîn pêk tînin.

Di daxuyaniya duyemîn de jî, hatiye eşkere kirin ku ji bo serjimêriya sala 2024an, 135 hezar tablêt ji bo wê proseyê hatine bikar anîn û ji van tenê 12 hezar tablêt ji bo piştgiriya serjimêriya akinciyên Urdunê hatine bexşandin.

Wezareta Pilandanana Êraqê got: Hemû data û zanyariyên di amêran de ji hêla tîmek pispor ya taybetî ve hatin wergirtin û di bîrgehek (Hard) de hatin tomarkirin, piştre tablêtên ku hatine bexşandin bi giştî hatine formatkirin û ji barkirina orîjînal ya hilberînerê amêrê re hatine vegerandin.

Di dawiya daxuyaniya Pilandana Êraqê de hat got: Komîteya Peywendîdar ya Deshelata Giştî ya Amar û Sîstemên Zanyarî rasterast û bi baldarî çavdêriya hemû qonaxên rakirina çîpan û hilanîna wan li cihên parastî kir, ji bo misogerkirina asta herî bilind ya parastina zanyariyan, aliyê Urdunê jî daxwaza deynkirina 12 hezar tablêtan ji bo karanîna di serjimêriyê de kiriye, lê hikûmeta Êraqê biryar daye ku van amêran wekî beşek ji hevkariya dualî û xurtkirina peywendiyên di navbera her du welatên bira de bide Urdunê.

Di rojên 20 û 21ê Mijdar ya sala 2024an de, Serjimêriya Giştî ya akinciyên Êraqê hatibû lidarxistin, ku armanc ji wê yekê ew bû ku zanyariyên berfireh li ser hejmara akincî, avahî û tesîsên xanîyan û li seranserî Êraqê û hejmara kelûpelên malê, karsazî û hemî faktorên ku mirov rojane bikar tînin kom bike.

PUKMEDIA - Ajans - Wezareta Pilandananê