Gulcen Kaçmez: Divê Tirkiye ji bo pêkanîna pêvajoya aştiyê gavên zelaltir bavêje

PUKMEDIA

Gulcan Kaçmez, parlementarê DEM partî

Hevpeyvîn, Eyaz Herkî

Di Hevpeyvîna dawî ya Abdullah Ocalan de, wî xwestiye ku bi Bafil Celal Talabanî serokê Yekîtiya Neteweyî ya Kurdistanê, û serkirdeyên din ên sereke yên Başûrê Kurdistanê re bicive, Ji ber ku civîna hevbeş a serokên Kurd dê bandorek rasterast li ser pirsgirêka Kurd li hemû beşên Kurdistanê bike.

Guhertin çêdibe

Gulcan Kaçmez, parlementarê DEM partî li bazneya parêzgeha Wanê ji Kurdistan News re got: Niha tiştekî nû li Rojhilata Navîn diqewime. Şer li Xeza, Lubnan, Yemen û Sûriyeyê dest pê kir, lê niha şer gihîştiye Îranê û Rojhilata Navîn ber bi guhertinên mezin ve diçe û gelê kurd li her çar parçeyên Kurdistanê amade ye bo wan guhartinan û ji bo bi destxistina mafên xwe dixebitin.

Wê got jî: Pêvajoya aştiyê li Tirkiye û Bakurê Kurdistanê çend meh in berdewam dike û çend civîn di navbera hikûmeta Tirkiyeyê û Îmraliyê de hatine lidarxistin. Ocelan destpêşxerî kiriye da ku pêvajo bi ser bikeve û pirsgirêka Kurd li Tirkiyeyê çareser bike.

Gulcan Kaçmez her wiha got: Divê hemû partiyên siyasî yên li Tirkiyeyê, tevî Kurd û Tirkan, li kêleka DEM partî bisekinin û ji bo serkeftina pêvajoya aştiyê bêtir xebat bikin û berpirsiyariya dîrokî bigirin ser xwe.

Gulcen Kaçmez: Divê hemû partiyên sîyasî yên li Tirkiyê, tevî Kurd û Tirkan hev helwêst bin bi DEM partî re û ji bo serkeftina pêvajoya aştîyê bêtir bixebitin û berpirsiyarîya dîrokî li stû bigrin

Çareserkirina pirsgirêka Kurd

Her weha  wê endam parlemanê got jî Hikûmeta Tirkiyeyê 40 sal in aboriya xwe ji bo şer bikar tîne û ti encam bi dest nexistiye. Niha Tirkiyê di rewşeke aborî ya pir sext de ye û bi vê siyasetê nikare xwe birêve bibe. Lê eger pirsgirêka Kurd bi awayekî aştîyane çareser bibe, ev yek dê di berjewendiya dewleta Tirkiyê de be, her weha di berjewendiya hemûyan de be.

Divê hikûmeta Tirkiyeyê gavên zelaltir bavêje da ku pêvajoya aştîyê bicîh bîne û fikarên welatiyên Tirkiyeyê yên ku li benda serkeftina pêvajoya aştiyê ne ji bo derbaskirina krîza siyasî û aborî ya ku bi salan e dikişîne, kêm bike. Em hêvî dikin ku pêvajoya aştiyê li Tirkiyeyê û Bakurê Kurdistanê wekî salên 1990 û 2013-2014an têk neçe. Bi taybetî azadkirina Abdullah Ocelan ji bo serkeftina pêvajoya aştiyê li Tirkiyeyê girîng e.

Kaçmez got ku Ocelan di hevdîtina xwe ya dawî de daxwaza hevdîtinê bi Bafil Celal Talabanî û serokên din ên sereke yên Başûrê Kurdistanê kiriye, Ji ber ku hevdîtina rasterast a serokên Kurd dê bandorek rasterast li ser pirsgirêka Kurd li hemû beşên Kurdistanê bike.

Yekrêziya gelê Kurd

Ew her wiha dibêje: Armanca serdana partiyên Kurd ên li Bakurê Kurdistanê ew e ku yekrêzî û yekîtiya neteweyî ya Kurdan çêbibe, ji ber ku serkeftina gelê Kurd dê bi yekîtiya Kurdan pêk were.Em bêyî yekîtiya navxweyî nikarin mafên xwe bi dest bixin û çareseriya hin pirsgirêkên têkildarî pirsgirêkên gelê me dikare bi yekîtiyê pêk were.
Wî zêde kir ku konferansa yekîtî û hevgirtina Kurdan a li Qamîşloyê di 26ê Nîsana 2025an de cihê xwe di dîrokê de digire. divê nerînên me yên siyasî nebin asteng û divê em bi hev re ji bo bidestxistina maf û nasnameya Kurdan li Rojhilata Navîn têbikoşin.
Divê hemû partiyên siyasî yên li Tirkiyeyê li kêleka DEM partî bisekinin û ji bo serkeftina pêvajoya aştiyê bêtir têbikoşin.

PUKMEDIA/ Kurdistana Nuh