Divê hevrêziya di navbera Serokkomarî û Dadweriyê de berdewam bike

Daxuyaniya Serokatiyê

Serokkomarê Iraqê û Serokê Encûmena Bilind a Dadweriyê

Serokkomarê Iraqê Letîf Cemal Reşîd îro li Bexdayê bi Serokê Encumena Dadweriya Bilind Faîq Zeydan re civiya.

Di civînê de li ser hevrêziya hevbeş a di navbera serokkomarî û dezgehên dadwerî û cîbicîkirinê de nîqaş hat kirin û serokkomar tekez kir ku pêwîst e ruhê hevkariya berdewam di navbera dadwerî û hemû saziyên dewletê de were parastin da ku beşdarî peydakirina xizmetên çêtirîn ji welatiyan re bibin.

Serokkomar pesnê hewldanên Serokê Encumena Dadweriya Bilind da ji bo piştgiriya karê saziyên dewletê û baştirkirina performansa saziyên dadwerî da ku ew karibin erkên xwe di xizmeta civakê de bicîh bînin.

Ji aliyê xwe ve, Dadwer Zeydan spasiya Serokkomar kir ji bo balkişandina ser dadweriyê û piştgiriya hewldanên wê bi awayekî ku xizmeta sepandina qanûnê û bidestxistina edaletê dike.

PUKMEDIA