Şera leşkerî ya di navbera Îran û Îsraîlê de berdewam dike û qurbanî zêde dibin

Reuters

Til Ebîb

Şera leşkerî ya di navbera Îran û Îsraîlê de di çaremîn roj de, ku di êrîşa 16/6/2025 de di encama bordu pênc kes mirin û 90 kes jî birîndar bûn, di nav de kesek heye rewşa wê girane, amaje bi wê hat kirin ku heta niha tîmên rizgarkirinê di erkê xwe de berdewam in.

Artêşa Îsraîlê diyar kir ku çend cihan di hundurê Îsraîlê de ji ber êrîşa dawî ya mûşekan a ji aliyê Îranê ve hatî avêtin, di nav de avahiyên li bajarê Heyfayê, zirara rasterast dîtine.
Di daxuyaniyê de hat gotin: Tîmên lêgerîn û rizgarkirinê yên Fermandariya Eniya Navxweyî ji bo cihên bandordar hatin şandin." Wezareta Tenduristiyê ya Îsraîlê ragihand ku 287 kes di êrîşa mûşekî ya Îranê ya duh Yekşemê de birîndar bûne.

Li hember vê yekê, Îsraîlê bi tundî bi rêze êrîşên asmanî li ser Îranê bersiv da, ku bi piranî binesaziya enerjiyê û navendên leşkerî hedef girtin.
Li gorî Radyoya Artêşa Îsraîlê, balafirên şer ên Îsraîlê li paytext Tehranê êrîşî çend navendan kirin, di nav de sîstema parastina esmanî û avahiyên artêşa Pasdarên Îranê, û her weha Balafirgeha Mehr Abad li rojavayê paytextê.li hemberê Îranê sîstema parastina hewayî li herêma Ehwazê li başûrê rojavayê welêt, ku herêmeke sereke ya hilberîna petrolê ye çalak kir wek amadekariyek bi her êrîşeke din.

Berdevkê leşkerî yê Îsraîlê Avichay Adraee bi rêya platforma X (berê Twitter) ragihand ku "Balafirên şer ên Hêza Hewayî ya Îsraîlê, bi rêberiya îstîxbarata rast ji Rêveberiya Îstîxbarata Leşkerî, êrîşî baregehên fermandariyê yên aîdî Hêza Quds û artêşa Îranê kirin."
Adraee operasyonê bi gotina ku "endamên Hêza Quds baregeha fermandariyê bikar anîn da ku bi rêya ajanên rejîma Îranê li Rojhilata Navîn operasyonên terorîstî li dijî Dewleta Îsraîlê plan bikin." Berdevkê leşkerî yê Îsraîlê vîdyoyek weşand ku tê de cihên hedefgirtî nîşan dide, ku di nav wan de baregeha Hêza Qudsê ya Sipaha Pasdarên Şoreşa Îranê jî heye. Ajansa Nûçeyan a Tasnim a Îranî her wiha ragihand ku baregeha Wezareta Parastinê ya Îranê, ji bilî hedefgirtina tesîsên girêdayî Piştgiriya Hêzên Çekdar û Rêxistina Lêkolîn û Nûjeniyê ya Parastinê, rastî êrîşa hewayî hatiye.

Ajansa Nûçeyan a Tesnîm a Îranê jî ragihand ku baregeha Wezareta Parastinê ya Îranê ji bilî armancgirtina saziyên ku piûştgiriya Hêzên Çekdar û Rêxistina Lêkolîn û Nûjeniya Parastinê dikin, ji aliyê asmanî ve hatiye armancgirtin.

Îranê duh ragihand ku hejmara qurbaniyên êrîşên Îsraîlê yên sê rojan gihîştiye 224 kuştî û 1257 birîndaran.
Berdevkê Wezareta Derve ya Îranê Îsmaîl Beqaî di postek li ser X de got ku di nav qurbaniyan de zêdetirî 70 jin û zarok hene.
Êrîşên Îsraîlê her wiha kogeyên petrolê û cihên avêtina mûşekan li deverên cuda yên paytexta Îranê kirine armanc.

PUKMEDIA