Serokkomar beşdarî 3. Konferansa NY ya ji bo Okyanûsan bû

Ragihandina Serokatiya Komarê

Dr. Latîf Cemal Reşîd, Serokkomarê Êraqê

Îro Dr. Latîf Cemal Reşîd, Serokkomarê Êraqê beşdarî Sêyemîn Konferansa Neteweyên Yekbûyî ya li ser Okyanûsan li bajarê Nice ya welatê Fransa bû û gotarek pêşkêş kir û ragihand ku beşdarbûna Êraqê di vê konferansê de ji baweriyeke kûr tê.

Serokkomarê Êraqê Letîf Cemal Reşîd îro roja Duşemê beşdarî sêyemîn Konferansa Neteweyên Yekbûyî ya li ser Okyanûsan bû û di gotarekê de ragihand ku, îro, em beşdarî vê konferansa girîng dibin daku nêrînên xwe biguherînin û hevkariya di navbera welatên xwe de zêdetir bikin daku pirsgirêkên hevpar çareser bikin û pêşerojek aramtir û dadperwertir ava bikin.

Serokokar got: Çavkaniyên avê, tevî okyanûsan, mijareke mirovî, ewlehî û pêşkeftinê ye ku bi salan e li derveyî sîwana parastina yasayî ya ne guncaw maye.

Navbirî aşkere kir ku beşdarbûna Êraqê di vê konferansê de ji baweriyeke kûr ya bi girîngiya xebata piralî û pabendbûna bi xurtkirina hevkariyên navneteweyî ji bo çareserkirina bandorên guherîna avhewayê, hişkesaliyê, newekheviya aborî û qeyrana ewlehiya xwarinê tê.

Behsa wê yekê jî kir ku îro, di ronahiya guherîna avhewayê ya bilez, zêdebûna qirêjiya deryayê û windabûna sîstema jîngehê de, em bi pirsgirêkên mezin re rû bi rû ne ku hevkariyek biryardar û rastîn ya li ser bingehek zanistî û veqetandina budceyê ji bo parastina okyanûs û çavkaniyên avê yên me hewce dike.

Serokkomar amaje bi wê yekê kir ku ewlekariya okyanûsan ne tenê pirsgirêkek jîngehî ye, lê di heman demê de ji bo gelek welatan, heta ji bo wan welatan ku ji kêmbûna avê û bilindbûna asta deryayê dikişînin, ji ber ku germahiya avê bi lez bilind dibe û tirşbûna okyanûsê xirabtir dibe ji ber kêmbûna embarên Masî û zêdebûna pîsbûna Pilastic û madeyên kîmyawî.

Her weha got: Êraq bi kêmbûna ava çemên Dîcle û Firatê re rû bi rû ye, ji ber çend sedeman, di nav de guherîna avhewayê, nebûna siyaseteke îdarî û yasayî ya yekgirtî ji bo çemên sînorî,her weha kêmbûna rêjeya dabînkirina avê ya Êraqê bûye sedema zêdebûna rêjeya koçberiya navxweyî û derve û kêmbûna hilberîna çandiniyê û hilberîna navxweyî ya giştî.

Navbirî diyar kir ku tiştê îro di vê konferansê de pêwîstiya me pê heye ev e ku em bigihîjin rêkeftineke hevbeş ji bo pêşxistina stratejiyeke gerdûnî ji bo parastina okyanûsan û xurtkirina pabendbûnên navneteweyî bi rêya pilaneke li ser bingeha Peymana Deryaya Mezin.

Serokkomar got: Em banga berfirehkirina peywendiyên û hevkariyên bi bandor di navbera hikûmetan, civaka sivîl, kerta taybet û saziyên lêkolînê de dikin,her wiha em banga piştgiriya darayî ya nûjen û domdar ji bo parastina okyanûsan û hevrêzkirin û hevkariyê dikin daku li ser av, çem, golan lihevkirinek çêbibe ku xizmeta berjewendiyên hemûyan bike.

Roja Yekşemê rêkefta (08-06-2025) an Dr. Latîf Cemal Reşîd Serokkomarê Êraqê û xanima wî ya yekem ji bo beşdarbûna di Sêyemîn Konferansa Neteweyên Yekbûyî ya li ser Okyanûsan de ber bi Fransayê ve çûn.

PUKMEDIA