Nêzîkî 300 hezar geştyar serdana Herêmê dikin

PUKMEDIA

Cihê Geştiyarî

Geştûguzariya Herêma Kurdistanê pêşbînî dike ku di rojên Cejna Qurbanê de zêdetirî 300,000 geştiyar serdana herêmê bikin. Berdevkê Desteya Geştûguzariyê dibêje: Hejmara geştiyarên ku serdana Herêma Kurdistanê dikin dê di Cejna Qurbanê de li gorî Remezana îsal zêdetir be.

Îbrahîm Ebdulmecîd, berdevkê Desteya Geştiyariyê ya Hikûmeta Herêma Kurdistanê got pêşbînî dike ku 300,000 geştiyar serdana Herêma Kurdistanê bikin. Ev hejmar li gor cejna Remezanê, ku 200,000 bû, zêdetir e.

Berdevkê Desteya geştiyarî got: Sedema zêdebûna hatina geştiyaran ji ber betlaneyên li Êraq û Herêma Kurdistanê ye, û her weha germahiya bilind li bajarên navendî û başûrê Êraqê û deverên geştiyariyê yên hênik yên herêmê û xwezaya wê ye.

Duh li Herêma Kurdistanê û bajarên Sunnî yên Êraqê yekem roja cejnê bû, û li parêzgehên Şîa Îro yekem roja Cejna Qurbanê hate pîrozkirin.

PUKMEDIA