Îmad Ehmed: Medyaya YNKê bi berpirsiyarî tevdigere

Ajans

Îmad Ehmed, Serokê Buroya Medya û Hişyariyê

Îmad Ehmed bi boneya 50 saliya Yûbîleya Zêrîn a Yekîtiya Niştimanî ya Kurdistanê  spasiya rojnamevanên YNKê kir û ragihand:"Em ê peyamên xwe rasterast bikin û her tim bi gel re rastgo bin û daxwazên wan bigihînin."

Îmad Ehmed, Serokê Buroya Medya û Hişyariyê ya YNKê, bi Konseya Lijneya Medyayê û kanalên medyayê re civiya.

Di destpêka civînê de, Letîf Nerweyî, Serokê Lijneyê, raporek devkî li ser çalakiyên medyayê pêşkêş kir.Wî spasiya hevalên YNKê ji bo erkên wan ên berpirsiyar, profesyonel û sendîkayî kir û tekezî li ser serkeftina gavên xwerêxistinkirin û nirxandina peyama medyayê kir.

Piştre, Îmad Ehmed spasiya hemî rojnamevan û xebatkarên medyayê yên YNKê di civînê de kir."Tiştê ku medyaya YNKê ji medyayên din cuda dike, hesta me ya berpirsiyariyê ye û em qet nebûne û nabin beşek ji hilweşandina aramiya siyasî û civakî.

Wî tekezî li ser pêwîstiya pabendbûna bi biryarên serokatiya YNKê kir. 
"YNK her tim beşek ji çareseriyê ye, ne pirsgirêk e, ji ber vê yekê divê medyaya me bi heman ruhî bixebite û peyamên xwe bi awayekî rast bigihîne.
Ji bo rewşa heyî ya li Kurdistan, Iraq û herêmê, serokê Buroyê erk û polîtîkayên xebata medyayê ji bo vê qonaxê şîrove kir.

PUKMEDIA