Ahmed Dawûd Oglu: Serok Mam Celal ji bo her kesî bû

PUKMEDIA

Serok wezîrê berê yê Tirkiyê Ahmed Dawûd Oglu

Serok wezîrê berê yê Tirkiyê Ahmed Dawûd Oglu serdana gora Serok Mam Celal kir û ragihand:  Serok Mam Celal ne tenê ji bo Silêmanî û Êraqê ye, lê ji bo her kesî ye. Ez îro hatim ku rêzgirtina xwe nîşan bidim, Silêmanî jî mîna bajarê minî resene û ev hatina min şerefek mezine.

Ahmed Dawûd Oglu, serokê Partiya Pêşerojê, serdana gora Serok Mam Celal kir û di daxuyaniyeke çapemeniyê de ji Medyayan re got: Armanca serdana min a li vir Konferansa Dêlfî-Silêmanî ye, ku ez ji hêla hevalê xwe yê hêja Qubad Talabanî ve hatime vexwendin, dema ku ez dibêjim dost û bira ne tenê axaftine lê Mam Celal hevalê min ê nêzîk bû. Di demên berê de têkiliyeke me ya pir nêzîk hebû me di demên dijwar de zehmetiyan parve kir da ku aştî û aramiyê bi dest bixin.
Got jî: Erkê min bû ku ez werim û serdana goristana wî bikim. Cara dawî ku ez wekî wezîrê derve hatim, ew pir nexweş bû û mixabin me nekarî wî bibînin.

Oglu amaje bi wê jî kir: Malbata Serok Mam Celal malbata min e. Qubad Talabanî mîna birayê mine û dema ku wî ez vexwendim Korbenda  Delphî ya li Silêmaniyê, min du caran jî nefikirî û got erê û şerefeke mezine bo min.

PUKMEDIA