Heft sal bi ser koça dawî Adil Murad re derbas dibe

PUKMEDIA

Adil Murad endamê desteya damezrêner ya Yekîtiya Niştimanî ya Kurdistanê

Îro heft sal bi ser koça dawî yê Adil Murad endamê desteya damezrêner ya Yekîtiya Niştimanî ya Kurdistanê ye û Sekreterê Encumena Navendî ya YNKê  re derbas dibe.

Adil Murad di salên şêstî yên sedsala borî de tevlî Yekîtiya Xwendekarên Kurdistanê bû û piştî wê bû sekreterê yekîtiyê. Rehmetî Adil Murad di dema tekoşîna xwe ya di nava refên şoreşgerên bizava rizgarîxwaza gelê Kurdistanê de, di dema wergirtina postên hizbî û hikûmî de, xwediyê postên bi rûmet û roleke berçav bû.
Adil Murad di 11/12/1949ê de li Bexdayê ji dayîk bûye, bawernameya bawenameya di beşa kîmyayê de li zanîngeha Bexdayê wergirtiye û yek ji endamên damezrîner ên Yekîtiya Niştimanî ya Kurdistanê (YNK) bû.

Di heman demê de nûnerê YNKê li Bexdayê bû , nûnerê taybet ê serokomar Mam Celal li Şamê bû, herwiha 4 salan balyozê Êraqê li Romaniyayê bû û çend salan jî serokê ofîsa ragihandinê ya navendî YNKê bû.
Di jiyana xwe ya pêşmergetiyê de li herêma Balakaitiyê bûye endamê PDK û di heman demê de ji ber nebûna mamosteyan li yek ji gundan dest bi mamostetiyê dike.
Piştî ragihandina deklerasyona 11ê Adara 1970ê wek sekreterê Yekîtiya Xwendekarên Kurdistanê hat hilbijartin.
Piştî vê yekê Adil Murad vedigere Bexdayê û heta sala 1974an, beriya ku şerê di navbera kurdan û rejîmê de ji nû ve destpê bike, ji wir derket.
Piştî hilweşîna Şoreşa Îlonê di sala 1975’an de cû  Îranê û berê xwe da Sûriyê.

Dema çû Sûriyê, bi Mam Celal re têkilî danî û di avakirina Yekîtiya Niştimanî ya Kurdistanê de beşdar bû.
Piştî damezrandina Yekîtiyê berpirsiyariya rêxistinê li welat girt ser milê xwe û piştre ji bo avakirina rêxistinekê li Ewropayê çû Ewropayê û karî li çend welatên Ewropayê ji bo  bingehê rêxistina Yekîtiyê deyne.

Piştî vegera Sûriyê, ew û endamên din ên komîteya damezrîner mijûlî dabînkirina pêdiviyên ji nû ve destpêkirina şerê çekdarî li Kurdistanê bûn û di vî warî de berpirsê karên lojîstîkî bû û şandina hêzên destpêkê bo nav welêt dikeve ser milê wî.

Di Kanûna 1979an de vegeriya Kurdistanê û li Nawzangê bi cih bû.

Lê di Sibata heman salê de ji ber sedemên siyasî ji YNKê veqetiya û vegeriya Sûriyê û li wir di rojnameya Safir de rojnamevanî kir.

Di sala 1994an de careke din tevlî refên Yekîtiya Niştimaniya Kurdistanê (YNK) bû û pileya endamê komîteya serkirdayetiyê wergirt.
Bû serokê buroya medyaya navendî ya YNKê û heta sala 2000 berdewam kir.

Di heman salê de bû berpirsê pêwendiyên YNKê li Sûriyê bû.

Di Kanûna 2003an de vegeriya Kurdistanê û beşdarî xebatên li dijî rejîma Baas bû.

Di sala 2003’an de bi rûxandina rejîma Baasê re derbasî Bexdayê bû û dest bi karên dîplomatîk kir.

Di sala 2004 de bû balyozê Êraqê li Romanya

Di sala 2011an de piştî pêşniyar û israra Serok Mam Celal, postê Sekreterê Encûmena Navendî ya Yekîtiya Niştimanî wergirt û heta dawiya jiyana xwe li wir ma.
Rehmetî mirovekî fedakar bû, li ser helwêstên xwe yên prensîbên hişyar bû, ji slogan û nirxên hêja yên ku bi wan dihat nasîn dûr neket, bi hemû hêza xwe, heta di nav partiya xwe de jî, li dijî gendelî, nepotîzm, bindestî û taybetmendiyê şer kir.

Wî gelek daxuyanî û peyam belav kirin û tê de tekezî li ser pêwîstiya pabendbûna kurdan bi kûrahiya xwe ya stratejîk li Êraqê kir û tekezî li ser parastina peywendiyên dîrokî yên ku bi hevrêyê xwe Mam Celal re li gel hêz û aliyên cuda yên Êraqî û erebî çêkiriye. Yek ji damezrînerên Yekîtiya Niştimaniya Kurdistanê (YNK) Adil Murad roja 18-5-2 li Almanya koça dawî kir.

nasnameya wî bi awayekî berfireh
Endamê desteya damezrêner a Yekîtiya Niştimanî ya Kurdistanê rehmetî Adil Murad di Kanûna 1949ê de li Bexdayê di malbateke têkoşer a kurdên Feylî de ji dayîk bû û ji ber kûrahiya nêzîkbûna wî ya neteweyî, xebatên xwendekarî û nêzîkbûna neteweyî, tevlî kar bû. Di sala 1965an de bi tevlî nav refên Partiya Demokrat a Kurdistanê bû .
1966an de wek xwendekarê beşa Kîmyayê li Kolêja Perwerdeyê ya Zanîngeha Bexdayê beşdarî xwendina zanîngehê dibe. Di wê heyamê de serpereştiya rêkxistinên xwendekarî yên Partiya Demokrat li Bexdayê kir, piştra tevlî pêşmergeyên hevalên xwe yên li çiyayên Kurdistanê bû.
Piştî derketina ji Bexdayê, li parêzgeha Hewlêrê erkê endamê herêma Belakayetî  wergirt û ji bilî erkên hizbî, dersên çend dersên rêbazî û siyasî, li yek ji dibistanên gundê Kelala, wek yek ji  mamosteyên şoreşê xebat kir.

Piştî ragihandina daxuyaniya 11ê Adarê, Adil Murad di konferansa Yekîtiya Xwendekarên Kurdistanê de wek sekreterê yekem hat hilbijartin û bû cîgirê berpirsê rêxistinên pîşeyî li Êraqê, lê ji ber zextên rejîma Baas li ser wî berî ku di sala 1974an de şerê di navbera Baas û şoreşa Kurdî de dest pê bike, dîsa neçar ma ku ji Bexdayê derkeve û li deverên çiyayî yên di bin desthilata şoreşê de bi cih bibe.

Di sala 1975an de, piştî ragihandina bidawîhatina şoreşa kurdî, piştî rêkeftina Cezayîrê di navbera rejîma Baas û Şahê Îranê de, Murad çû Îranê û piştre çû Lubnanê û ji wir jî çû Şamê û li wir ligel Serok Mam Celal karî û çend serkirdeyên kurd yên navdar, ku Yekîtiya Niştimanî ya Kurdistanê li wir ava bikin.
Adil Murad û komek hevalên xwe yên di serkirdayetiya Yekîtiya Niştimanî ya Kurdistanê de, piştî salekê piştî ragihandina yekemîn daxuyaniya damezrandina Yekîtiya Niştimanî ya Kurdistanê, di 1ê Hezîrana sala 1976an de, karî yekem hêza çekdar bişîne çiyayên Kurdistanê, piştî biçekkirina wan bi çek û alavên locistîkî, bi serpereştiya şehîd Kaptan Ibrahîm Ezzo û 28 Pêşmergeyên din bi fermî destpêkirina şerê çekdarî bo rûxandina rejîma dîktator li Êraqê ya wê demê ragihand.

Murad piştî damezrandina Yekîtiya Niştimanî ya Kurdistanê, erkê berpirsê rêxistinên li hundir û derveyî welat girt, piştre ji bo avakirina rêxistineke bibandor ji bo Yekîtiya Niştimanî ya Kurdistanê çû Ewropayê û daxwaz ji ciwanên şoreşger kir ku bikevin nava hewldanana  şoreşa nû ya ku Yekîtiya Niştîmanî li Sûriyê di bin dirûşma şoreşa  Êraqê de ku li çiyayên Kurdistanê dest pê kir, ava kir.

Di sala 1979an de Adil Murad piştî vegera ji Sûriyê tevlî serkirdayetiya Hêzên Pêşmerge bû, ku wê demê li geliyê Nawzingê bi cih bûbûn û ji ber kûrbûna peywendiyên wî bi piraniya tevgerên siyasî yên erebî, pêşverû û sosyalîst re û Partiyên Êraq û cîhana erebî, neçar ma ku dev ji şerê çekdarî berde û berê xwe bide Lubnan û Sûriyê û li wir bi hebûna piraniya rêxistinên partiyên siyasî yên êraqî û erebî û hêzên dijberê hikûmetên dîktatorî bû.

Murad di sala 1991ê de ligel hevalên xwe yên Yekîtiya Niştimanî ya Kurdistanê beşdarî amadekariyên serhildana gelê Kurdistanê bû û di sala 1992an de ji aliyê Yekemîn Konferansa Giştî ve wek endamê Mekteba Siyasî hat hilbijartin, piştî wê di sala 1994an de dest bi berpirsiyariya Nivîsgeha Navendî ya Ragihandinê ya Yekîtiya Niştimanî ya ku tê de kar  kir, heta sala 2000ê  piştra çû serkirdetiya Nivîsgeha Têkiliyên Yekîtiya Niştimanî li Şamê.

Di sala 2003an de beşdarî xebatên rûxandina rêjîma Baasî  bû, bi pêşengên rêxistinên Yekîtiya Niştimanî derbasî bajarê Bexdayê bû û biawayekî aktîf beşdar bû, ligel aliyên opozisyona Êraqî yên ku piştî rûxandina rêjîma Baas vegeriyan Êraqê. Di avakirina ezmûna demokratîk û nivîsandina destûra herdemî de, ku wê demê wek alîkarê Serok Mam Celal kar dikir  di Encûmena Rêveberiya Demî de.

Wî di sala 2004ê de postê balyozê Êraqê li Romanya wergirt û heta sala 2010 li ser vê postê ma.Piştî wê, ew madalyaya pesindayînê ji konferansê hat xelat kirin.
Di sala 2011an de piştî pêşniyar û israra Serok Mam Celal, postê Sekreterê Encûmena Navendî ya Yekîtiya Niştimanî wergirt û heta dawiya jiyana xwe li wir ma.

PUKMEDIA