Koşka Spî hûrgiliyên diyaloga di navbera Trump û Şeri de eşkere dike

PUKMEDIA

Serokê Amerîka Donald Trump û Ehmed Şeri serokê Sûriyê

Koşka Spî roja Çarşemê beşek ji axaftina di navbera Serokê Amerîkayê Donald Trump û Serokê Sûriyê Ehmed El Şeri de ku di civîna wan a li Riyadê de pêk hat, eşkere kir.

Berdevkê Qesra Spî got ku Trump ji Şeri xwestiye ku bi Îsraîlê re tevlî Peymanên Ebrehem bibe.
Trump her wiha ji Şera xwest ku komên Filistînî yên ku ji hêla Washingtonê ve wekî terorîst têne destnîşankirin ji Sûriyeyê dersînor bike.
Serokê Amerîkayê ji hevtayê xwe yê Sûrî xwest ku "ji bo pêşîgirtina li vegera DAIŞê alîkariya Amerîkayê bike".
Her weha Şeri ji Trump re got ku ew kampaniyên Amerîkî vedixwîne ku di sektora petrol û gazê ya Sûriyeyê de veberhênanê bikin.
Hevdîtina di navbera Trump û Şeri de, yekem hevdîtina di navbera serokê Amerîkî û Sûrî de ye di 25 salên borî de.
Trump roja Sêşemê ragihand ku Dewletên Yekbûyî yên Amerîkayê dê dest bi rakirina cezayên  aborî yên li ser Sûriyê kiriye.
Serokê Amerîkayê got ku ew li bendê ye ku di bin serweriya Şeri de derfetek ji bo aştiyê" bide Sûriyeyê.
Sûrîye xwedî aboriyeke bi tundî kontrolkirî bû û ji sala 1979an vir ve di bin sizayên Dewletên Yekbûyî yên Amerîkayê de bû wekî dewletek ku piştgirîya terorîzmê dike.
Civîna Trump-Şeri li pişt deriyên girtî pêk hat û destûr nehat dayîn ku rojnamevan beşdar bibin.

PUKMEDIA