R.Teha: Dixwazin Kerkûkê bikin pêşengê bajarên Êraqê

Nivîsgeha Ragihandina Parêzgarê Kerkukê

Kongreya Rojnamevanî ya Parêzgarê Kerkukê

Parêzgarê Kerkukê daxwaza piştevaniya zêdetir ji Serok Wezîrên Êraqê dike û dibêje: Eger tenê ji sedî 25ê budceya rêveberiya berê ji me re bimîne, em ê Kerkukê bikin bajarê herî xweşik û aram yê Êraqê.

Rêbwar Teha Parêzgarê Kerkûkê di kongreyeke rojnamevaniyê de got: Min ji Serok Wezîrên Êraqê Mihemed Şeyah Sûdanî re gotiye:Eger ji rêveberiya niha ya Kerkûkê re ji sedî 25ê budceya rêveberiya dema berê were dayîn, di dema 2-3 salên bê de, karê me yê di ware bedewî, paqijî, rê û xizmetguzariyan de dê li Êraqê yê yekem be û em ê Kerkûkê bikin bajarê herî xweşik û baştirîn bajarê Êraq û Herêma Kurdistanê.

Dr. Rêbwar Teha dibêje: Kerkûk di warên cuda de pêdiviya xwe bi guhertin û xizmetguzariyên zêdetir heye û bê guman her kar û xizmetek pêdiviya xwe bi budceyekê heye, ji ber vê yekê her ku budceya me zêdetir be, em dikarin xizmetguzariyên zêdetir pêşkêş bikin.

Her weha dazanîn ku, hewldanên wan ew e ku Kerkûk bibe yekem bajarê Êraqê di warê bedewî, aştî, xizmetguzarî û jiyana hevbeş de, ji bo vê mebestê jî pêwîstiya me bi hevkarî û piştgiriya her aliyekî heye.

PUKMEDIA