Li Êraqê %20 bêkar hene lê milyonek karkerên biyanî kar dikin

PUKMEDIA

Karkerek di dema kar

Rêjeya bêkariyê li Êraqê gihîştiye ji sedî 20 û li welêt 2 milyon bêkar hene, lê zêdetirî milyonek karkerên biyanî jî li Êraqê kar dikin, ku 71 hezar ji wan bi awayekî qaçax hatine Êraqê û kar dikin.

Roja 1ê Gulanê ku bi roja Cîûhanî ya Karkeran tê naskirin, li gelek welatan bîhnvedana fermî ye, lê dîsa jî karker di wê rojê de diçin ser kar, li gorî amarên ku ji hêla medyaya Êraqî ve hatine weşandin, îro nêzîkî neh milyon karker çûne ser karên xwe û heft milyon fermanber jî Êi Iraq û Herêma Kurdistanê di bêhnvedanê de ne.

Amarên Destya Kar li Êraq û Herêma Kurdistanê

Li gorî amarên herî dawî, li Êraq û Herêma Kurdistanê 18 milyon kes kar dikin, ku ji wan 9 milyon di kerta taybet de û 7 milyon jî di kerta giştî de fermanber in kar dikin, û li gorî Wezareta Pilandana Êraqê 2.6 milyon kes jî bêkar in ku dike rêjeya ji sedî 14, lê Star Danbus, Serokê Yekîtiya Sendîkayên Karkerên Êraqê di wê werbarê de got: Ew hejmar ji sedî 20 zêdetir e, ji ber ku hejmareke mezin ji derçûyên zanîngeh û peymangehan hene ku hîna derfetên kar di kertên taybet û giştî de ne ketiye destên wan.

Zêdetirî milyonek karkerên biyanî li Êraqê kar dikin

Li gorî amara Wezareta Kar û Karûbarên Êraqî, zêdetirî 1 milyon karkerên biyanî li welêt kar dikin, ku ji wan tenê 71 hezar û 146 xwediyê destûrnameyên kar yên fermî û xwedanên kartên rûniştinê yên karkirinê ne, bi vê yekê jî  hejmara bêkariyê zêde kiriye û bûye sedema hinardekirina 350 milyon dolaran her mehekê,ku her salê dike 4.2 milyar Dolar.

Yasaya Kar li Herêma Kurdistanê

Li gorî Yasaya Xanenişînî û Ewlekariya Civakî ya Karkeran ya jimara 39 a sala 1971an ya sererastkirî, divê her xwedankarek di roja ku dest bi kar di projeya xwe de bike  divê navê wî karkerî li Desteya Civakî ji bo karkeran tomar bike, her wiha divê xwedankar piştî dawiya her mehek ya kar %17ê mûçeyê karker bişîne Rêvberayetiya Desteya Civakî ya ji bo Karkeran bi cûrekê ku %5 ji mûçeyê karker were kêmkirin û %12 jî di stûyê xwedankar de dibe.

Di wê derbarê de jî, Hikûmeta Herêma Kurdistanê di daxuyaniyekê de got: Heta niha 958 karker ji projeyên kerta taybet li Herêma Kurdistanê xanenişîn bûne û bêyî derengmayîn mûçeyên xwe yên mehane werdigirin.

Hikûmeta Herêmê got: Piraniya karkeran piştî ku hatine misogerkirin û dest ji kar kişandine, û padaşta xizmeta xwe yên dawî wergirtine, tenê di sala 2024an de, 1490 karker dê nêzîkî 34.5 milyar dînar wekî mûçeya xwe ya dawî werbigirin.

Amarên mirina karkeran li Herêma Kurdistanê

Li gorî amarên Liqê Silêmaniyê ya Sendîkaya Karkerên Kurdistanê, îsal li Herêma Kurdistanê 14 karkeran canê xwe ji dest dane, ku ev hejmar li gorî sala borî kêm bûye jiber ku sala borî 54 karkeran canê xwe ji dest dabûn.

PUKMEDIA