45 milyar dînarên din dê ji bo Silêmanî, Helebçe, Germiyan û Raperînê werin xerckirin

Ajans

Wezareta Darayî

Hikûmeta Herêma Kurdistanê (KRG) ji bo çareserkirina pirsgirêkan û pêkanîna projeyan zêdetirî 45 milyar dînar ji parêzgehên Silêmanî, Helebce, Germiyan û Raperînê re terxan kiriye.

Wezareta Darayî ya Herêma Kurdistana Iraqê (KRG) di daxuyaniyekê de ragihand."Ji bo lêkolîna pirsgirêkên parêzgehên Silêmanî, Helebce, Germiyan û Raperînê, Wezîrê Darayî û Aboriyê Awat Şêx, serokatiya çend civînan bi berpirsên îdarî, sendîkayên peymankaran û bankayên girêdayî projeyên wezaretê li wan sînoran kir."

Di daxuyaniyê de hat gotin, "Wezîrê Darayî biryar da ku ji bo derman û pêdiviyên tenduristiyê li Silêmanî, Nexweşxaneya Hîwa, kolana 100 metreyî li Silêmanî, rêyên du alî yên Kelar-Derbendîxan û şîrketên çopê û projeyên berdewam ên li Silêmanî, Helebçe, Germiyan û Raperînê zêdetirî 45 milyar dînar were xerckirin."

Dabeşkirina mîqdarê wiha ye:Çar milyar û pênc sed milyon dînar ji bo xerciyên dermanan ji bo Rêveberiya Giştî ya Tenduristiyê ya Silêmaniyê.
Çar milyar dînar ji bo dermanan ji bo Nexweşxaneya Hîwa.

Sê milyar û pênc sed milyon dînar ji bo hemû projeyan li Silêmanî û derdora wê.

Sê milyar dînar ji bo hemû projeyên di rêveberiya Germiyan de.

Du milyar dînar ji bo hemû projeyên rêveberiya Raperîn.

Du milyar dînar ji bo hemû projeyên li parêzgeha Helebçeyê.

Pênc milyar dînar ji bo projeya rêya du alî ya Kelar - Derbendîxanê.

Bîst milyar dînar wek mafên darayî ji bo projeya kolana 100 metreyî li Silêmaniyê (Kolana Baban).

Milyarek û pênc sed milyon dînar ji bo zibil.

PUKMEDIA