Serok Bafil: Divê hilbijartinên parlemanî bi awayekî demokratîk bên lidarxistin

Serok Bafil Celal Talebanî

Serok Bafil pêşwaziya Thomas Seller, Balyozê Yekîtiya Ewropayê li Iraqê kir

Serokê Yekîtiya Niştimanî ya Kurdistanê (YNK) Bafil Celal Talebanî pêşwaziya Balyozê Yekîtiya Ewropayê li Iraqê Thomas Siller kir.

Di civînê de rewşa giştî ya siyasî, ewlehî û aborî ya Herêma Kurdistanê, Iraq û herêmê hate nîqaşkirin û tekezî li ser çareserkirina aştiyane ya hemû pirsgirêkên ku gefê li aramiya Rojhilata Navîn dixwin hate kirin.

Bafil Celal Talebanî û Thomas Siller tekezî li ser pêşxistina têkiliyên di navbera Herêma Kurdistanê û Yekîtiya Ewropayê de kirin û xurtkirina hevkarî û hevahengiyê pêwîst dîtin.

Hilbijartinên parlementoya Iraqê mijareke din a civînê bû û Bafil Celal Talabanî got ku hewldanên me ew e ku hilbijartin di atmosfereke aştiyane û demokratîk de werin lidarxistin.

PUKMEDIA