Karwan Gaznayî: YNK bi 2000 pêşniyaran dê civînekê li dar bixe

PUKMEDIA

Berdevkê Dîdara YNK'ê Karwan Gaznayî

Berdevkê YNK'ê Karwan Gaznayî jî got; “YNK dê bi 2000 pêşniyaran Dî darekî  li dar dixe, armanca civînê ew e ku stratejî û siyaseta YNKê were dariştin û şert û mercên guncawbûna bi rewşa navçe, herêmî re were çêkirin.’’

Berdevkê Yekîtiya Niştimanî ya Kurdistanê (YNK) Karwan Gaznayî di civîneke çapemeniyê de got;“Roja Çarşemê 23-4-2025 demjimêr 11ê sibê li Silêmaniyê bi amadebûna Serokê Yekîtiya Niştimanî ya Kurdistanê Bafil Celal Talebanî, duyemîn Dîdara  giştî ya Yekîtiya Niştimanî ya Kurdistanê (YNK) tê lidarxistin.’’

Wî zêde kir:"Armanca civînê dariştina stratejî û siyaseta YNKê û peydakirina şert û mercên guncawbûna ji bo rewşên navçeyî, herêmî ye, civîn modeleke nû ya siyaseta partiyê ye û bûyereke hizbî ya girîng e ku li herêmê rû dide."

Berdevkê duyemîn Dîdara YNKê wiha got:“Piştî lidarxistina 9 konferansan li Herêma Kurdistanê bi beşdariya 12 hezar kadro û pêşkêşkirina zêdetirî 70 proje û 2 hezar pêşniyaran, YNKê biryara lidarxistina Dîdara duyemîn da.’’
Wezîfeya civînê ew e ku guhdarîkirina nêrîn û pêşniyarên rêhevalên me bike û arasteyî meclisa serkirdayetiyê û mekteba siyasî bike.

Li gor rêziknameya navxwe ya kongireya pêncem, civîn karekî fermî ye û beşek ji qonaxên tekoşîna berfireh a hevalan e, ku yekemîn Dîdara giştî ya YNKê ye.

YNKê  di 28ê Gulana 2022an de li Silêmaniyê bi amadebûna Serokê Yekîtiya Niştimanî ya Kurdistanê (YNK) Bafil Celal Talebanî dest pê kir û çend rojan berdewam kir û di 31ê Gulanê de bidawî hat.

YNKê  di 15ê Sibata 2025an de bi diruşmeya “Destûra nû, hêz, pêşketin û xizmetguzarî” dest bi lidarxistina konferansê kir.

PUKMEDIA