Li Silêmaniyê 138 çapxaneyên belavkiriyên kaxezê kar dikin

PUKMEDIA

Çapxaneya Nû ya Kurdistanê

Ji bo weşandina rojname û weşanên kaxezî çapkirin hewcedariyeke sereke ye, li Silêmanî û derdora wê 138 çapxaneyên cûr bi cûr hene,çavkaniyekê ji Rêveberiya Çap û Weşanên Silêmaniyê ragihand ku 138 çapxane li Silêmaniyê û derdora wê hene lê çi çapxane bê destûr nikare kar bike.

Derfeta rojnameyê ya herî baş li Silêmaniyê bû

Rêveberê çap û weşanê yê Silêmaniyê Erîwan Sîweylî ji PUKMEDYA re ragihand: Silêmanî di warê çapxaneyan de pêş ketiye û ji bo weşanên kaxezî jîngeheke xweş çêkiriye û beriya niha jî baştirîn derfetê rojnameyê li vî bajarî bû,û zafitirîn rojnameyên hizbî û ehlî jî li vê bajarî bûn.

Heya niha 138 çapxane ji aliyê Rêveberiya Çap û Weşanên Silêmaniyê ve molet wergirtine û kar dikin, ku hinek ji wan di warê govar, rojname û pirtûkan de kar dikin û hinek jî çapxaneyên bazirganî ne ku berhemên wek reklam û logoyên bazirganî çap dikin.

Li gorî zanyariyên Sendîkaya Rojnamevanên Kurdistanê, zêdetirî 1000 rojname û govar moletên fermî wergirtine û di dema niha tenê 12 rojname û nêzî 30-40 govar tên weşandin.

Kurdistan Newê piştî serhildanê yekemîn rojnameya Kurdî ye

Roja 22.4.2025, Rojnameya Kurdistanê 127 saliya derketina rojnameya Kurdistan ku yekemîn rojnameya Kurdî li Herêma Kurdistanê ye, pîroz dike û li Herêma Kurdistanê rojnameya Kurdistanî Newê yekem rojnameya Kurdî ye piştî serhildanê û xwediyê yekemîn moleta karkirinê li Wezareta Rewşenbîrî ya Herêma Kurdistanê.

Mezintirîn pirsgirêka çapxaneyê ji bo Yekemîn rojnameya kurdî (Kurdistan) hebû ku yekem hejmara wê li Qahîre derket, piştî wê çend hejmar li Swîsre û dubare çend hejmar li Qahîre û derveyî welat derketin.

Bjarê Silêmanî di sala 2012an de ji aliyê Parlemana Kurdistanê ve weke paytexta rewşenbîrî hat naskirin û roja 21ê Hezîrana 2020an Rêxistina UNESCO logoya Silêmaniyê wek bajarê dahênerê  wêjeyê pejirand û mohra xwe ya fermî lê xist bû wê yekê logoyê Silêmanî û UNESCO têkelî yektir bûn.

Pêştir roja 31 Cotmeha sala 2019 an rêxistina UNESCO bajarê Silêmanî bi bajarê dahênerê wêje û bajarê Sine ya Rojhelata Kurdistanê bi bajarê dahênerê Mûzîknasiyê diyar kir. 


PUKMEDIA