Serxweşiyên bo koça dawî ya Papa Francis (Papayê Vatîkanê)

PUKMEDIA

Papa Francis (Papayê Vatîkanê)

Vatîkanê roja Duşemî 21/4/2025an bi daxuyaniyeke vîdyoyî mirina Papa Francis, yekem rêberê Dêra Katolîk a Amerîkaya Latîn ragihand.

Papa Francis di 88 saliya xwe de ji ber ku di dema papatiya xwe ya 12 salan de bi gelek nexweşiyan ketibû jiyana xwe ji dest da.
Papa pênc hefte li Nexweşxaneya Gimêlî ya Romayê derbas kir û têde hate dermankirin. Di 23ê Adarê de derket, û derneketibû heta 6 Eprîlê, gava ku ew derket meydana Petrûs li Vatîkanê li ser kursiya bi teker de, di dawiya merasîma salvegera Jubilee ya Dêra Katolîk de.

Papa Francis roja Yekşemê danê sibê li Vatîkanê bi Cîgirê Serokê Amerîka J.D.Vance re hevdîtinek taybet pêk anî. Di daxuyaniyê de hat gotin ku Vanceyê katolîk ê ku li ser polîtîkayên koçberiyê yên rêveberiya Trump bi Papa re li hev nekiriye, li avahiya ku lê rûniştiye de ji bo pîrozkirina cejnê bi Papa re hevdîtin kir.

Papa Francis duh banga xwe ya ji bo agirbestek bilez li Xezayê nû kir, ku ji hêla alîkarek ve hat xwendin û got rewş li Gezayê "trajîk û xirape" û bang li Hamasê jî kir ku girtiyên mayî serbest berde.

Hevxemiya Buroya Siyasî bo mirina Papa Francis

Bo koça dawî ya Papayê Vatîkanê Papa Francis, sersaxiyên xwe arastey Xirîstiyanên Kurdistan, Êraq û cîhanê û bi taybetî yên Katolîk dikin.

Papa Francis mînakek kesayetiyek olî û aştîxwaz li seranserê cîhanê bû ku bi xurtî bawerî bi yekitiya di navbera hemî bawermend û civakên cîhanê de hebû û em her gav spasiya peyamên wî dikin ên ji bo bidawîkirina şeran û bihêzkirina lihevhatinê û bilind dinirxînin.

Buroya Siyasî
Yekîtiya Niştimaniya Kurdistanê

Xanima yekem serxweşî li mirina Papa Francis kir

Xanima yekem a Êraqê Şanaz Îbrahîm bi boneya koça dawî ya Papa Francis peyamek sersaxiyê belav kiriye û ragihand: Sersaxiyên li mesîhiyên cîhanê dikim bi taybetî li katolîkan ji bo jidestdana rêberê ruhanî yê ku jiyana xwe ji bo aştî û lêbordayî olî terxan kiriye, xemgîn im.

Teksta peyamê:
Bi xemgîniyeke mezin min nûçeya koça dawî ya Papa Francis wergirt, ez sersaxiyên xwe pêşkêşî Xiristiyanên li seranserê cîhanê, nemaze Katolîk dikim ji bo jidestdana rêberekî giyanî yê ku jiyana xwe ji bo aştî û lêborîna olî terxan kiriye.
Serdana wî ya dîrokî bo Êraqê di sala 2021an de destpêşxeriyeke xurt a piştgirî û hêviyê bû, ku şahidiya pabendbûna wî bi diyaloga olan re kir.

Têkoşîna wî ya ji bo van prensîban ji olên cuda re hurmeteke mezin da wî 

Serok Bafil: Raman û baweriyên Papa Francis ji bo mirovahiyê dimîne

Serokê Yekîtiya Niştimanî ya Kurdistanê Bafil Celal Talebanî bi boneya  koça dawî yê Papayê Fatîkanê Papa Francis peyameke serxweşiyê belav kir û ragihand: Papa Fransîs her tim ji bo biratiyê destek baş e û baweriya wî ya aştiyane dê li gel mirovahiyê bimîne.

Em ji ber koça dawî ya Hezretî Papayê Vatîkanê Papa Francis gelek xemgîn in.

Em sersaxiyê ji hemû birayên me yên Mesîhî yên li Kurdistan, Êraq û cîhanê re dixwazin û vê êşê bi wan re parve dikin ji bo windakirina kesayetiyek ku tevahiya jiyana xwe ji bo xizmeta mirovatî, pêkvejiyan di navbera gelan de kiriye.

Papa Francis her tim ji bo biratiyê destek baş bû û baweriya wî ya aştiyane dê li gel mirovahiyê bimîne.


PUKMEDIA