Serok Bafil: Divê kabîneya nû pêkhateya herêmê bihêz bike

PUKMEDIA

Serokê YNKê Bafil Celal Talebanî, Serokwezîrê Iraqê Mihemed Şîa Sûdanî

Serokê Yekîtiya Niştimanî ya Kurdistanê (YNK) Bafil Celal Talebanî li Dabaşanê pêşwaziya Mihemed Şîa Sûdanî serokwezîrê Iraqê kir.Di civînê de ku endamê Mekteba Siyasî Qubad Talebanî jî tê de amade bû, li ser mijarên Iraq û navçeyê û Têkiliyên navbera Hewlêr û Bexdayê hatin gotûbêjkirin û tekez li ser hewlên dûrxistina Iraqê ji nakokiyên navçeyî hat kirin.

Bafil Celal Talebanî û Mihemed Şîe Sûdanî tekez kirin ku, peywendiyên Herêma Kurdistanê û Bexdayê pêşketinên berçav dîtine û divê hewl bê dayîn ku pirsgirêkan li ser bingeha destûrê çareser bikin û berjewendiyên welatiyan biparêzin.

Her du aliyan li ser hilbijartinên parlamentoya Iraqê gotûbêj kirin û tekezî li ser lidarxistina helbijartinên adilane kirin.

Serok Bafil pêngavên avakirina kabîneya nû ya Hikûmeta Herêma Kurdistanê rave kir û got:Armanca me ew e ku kabîneya nû daxwazên welatiyan cîbicî bike û pêkhateya Herêma Kurdistanê bihêz bike.”

Serokwezîrê Iraqê her wiha rola Yekîtiya Niştimanî ya Kurdistanê (YNK) di nêzîkkirina aliyên siyasî de gotûbêj kir.Ew hewlên ku ji serdema Serok Mam Celal ve hatine kirin nirxand. Her wiha têkezî li ser yekitî û hevgirtin navbera partiyan de çêbe kirin .

PUKMEDIA