Serokatîya komarê: Divê Tawana Enfalê wek Jenosîd bê naskirin

PUKMEDIA

Salvegera komkujiya Enfal`ê

Serokatiya Komarê bi boneya 37. salvegera Tawana Enfalê ya ku rejîma berê li dijî gelê Kurd pêk anî, daxuyaniyek da û di daxuyaniyê de hat xwestin ku yasayek ji bo qerebûkirina madî û manewî ji malbatên mexdûrên Enfalê re bê dayîn û komkujiya Enfalê jî weke tawaneke navneteweyî bê naskirin.

Naveroka Daxuyaniyê:

Di salvegera tawana hovane ya Enfal`ê de ku rejîma berê li dijî gelê Kurd pêk anî, ku bû sedema şehîdbûna zêdetir ji 180 hezar zarok, ciwan û pîr û kalan, em bi tundî şermezarkirina vê tawana hovane tekez dikin û dupat dikin ku ew bi tawaneke jenosîd tê dîtin.

Em wan giyanên pak bi xemgînî bi bîr tînin û em di wê baweriyê de ne ku xwîna şehîdan stûna bingehîn a sîstema me ya demokratîk e û em bang li Civata Nûneran dikin ku yasayekê derxîne ji bo qerebûkirina madî û manewî ji bo malbatên qurbaniyên Enfalê, di heman demê de tekezî li ser pêwîstiya naskirina tawanên Enfalê wek tawaneke navdewletî ya jenosîdê dike, Herwiha em tekezî li ser giringiya wê yekê dikin ku nûneratiya me ya daîmî li Netewên Yekgirtî hewlên pêwîst bide da ku ev tawan wek tawaneke navdewletî ya jenosîd were naskirin û bi fermî ji aliyê Netewên Yekgirtî ve were naskirin, her weha em tekezî li ser giringiya wê yekê dikin ku nûneratiya me ya herdemî li Neteweyên Yekgirtî hewlên pêwîst bide da ku ev tawan wek tawaneke navdewletî ya jenosîd were naskirin û bi fermî ji aliyê Netewên Yekgirtî ve were naskirin.

Sîstema demokratîk ya Parlemana Êraqê ya Federal modêleke binavûdeng e li herêmê û cihê şanaziyê ye ji bo hemû Êraqiyan, hemû pêkhateyên Êraq`ê bi taybetî gelê me yê Herêma Kurdistan`ê tûşî gemarên rejîma dîktator bûne, ku ne tenê metirsî li ser welatên hevsê û aştiya navçeyê bû, belku metirsiyeke rasterast bû bo ser gelê Êraq`ê.

Em daxwaz ji hemû pêkhateyên Êraqê, Ereb, kurd, Şî`e, Sunne, Mesîhî, Tirkmen û hemû pêkhateyên din dikin ku bibin yek û pabendî sîstema me ya demokratîk bin ku garantiya aştî, dadmendî û pêkvejiyana hemû pêkhateyên Êraq`ê ye.

Serokatiya Komarê

14.04.2025

PUKMEDIA