Encumena Nûneran li ser bi parêzgehbûna Helebce deng dide

Kurdistan 09:45 AM - 2025-04-13

Helebce

Biryare sibe Duşemî 14/4/2025 Parlamentoya Êraqê ji bo dengdana li ser 5 proje yasayan bicive û bi taybet projeyasaya bi parêzgehbûna Helebceyê.

Parlamenterê Yekîtiya Niştimanî ya Kurdistanê Çiro Heme Şerîf ji PUKMEDIA re ragihand: Biryare siba roja duşemê parlamento civîna xwe ya asayî lidar bixe û proje yasaya bi parêzgehbûna Helebce bikeve rojevê.
Herwaha got, em hêvîdar in di vê civînê de proje yasa û dengdanê li ser bi parêzgehbûna Helebce derbas bikin, ji ber ku xelkê Helebce li hember qurbanîdan û êş û azarên xwe hêjay vî mafî ne.

Projeyasaya bi parêzgehbûna Helebce

Li ser bingeha bendê (61) ya destûra Komara Êraqê, Encûmena Nûnerên Êraqê biryar da ku yasaya jêrîn derbixe:
Yasaya bi parêzgehbûna Helebce li Komara Êraqê
Madeya 1:
Li Herêma Kurdistana Êraqê parêzgehek bi navê Parêzgeha Helebceyê dê were zêdekirin û bibe parêzgariya nozdehemîn a Komara Êraqê û navenda wê jî navçeya Helebce ye.

Madeya Duyem:
Civata Wezîrên Herêma Kurdistana Êraqê sînor û yekeyên îdarî yên parêzgehê destnîşan dike.

Madeya 3:
Desthilatdarên pêwendîdar divê bendên vê qanûnê bi cih bînin.
Madeya çarem:

Ev qanûn ji roja ku di Rojnameya Fermî (Rojnameya Êraqî) de hat weşandin, tê cîbecîkirin.
Sedem:
Di berjewendiya raya giştî de, di encama mezinbûna bajar û niştecihan de ku bajarê Helebce dît, qurbanîdanên mezin ên xelkê wê, û ziyanên madî, mirovî û jîngehî yên ku di encama bombebarana bi çekên kîmawî yên qedexekirî ji aliyê rêjîma berê ve di Adara 1988`an de, û ji bo piştgirîkirina helwesta navneteweyî ya ku di encama van binpêkirinan de bi dest xistibû, ev qanûn bû yasakirin.

PUKMEDIA