Wezîrê Derve yê Îranê: Hevdîtinên me bi Amerîkayê re avaker bûn

Ajans

Alayên Amerîka û Îranê

Wezîrê Derve yê Îranê ragihand, gera yekem a danûstandinên navbera Amerîka û Komara Îslamî ya Îranê li Umanê bi dawî hat.

Wezîrê Derve yê Îranê Abbas Iraqçî got:“Gera  yekem a danûstandinên Îran û Amerîkayê li ser rakirina dorpêçan û bernameya atomî vê dawiyê bi dawî hat.

Wî her wiha got: "Hevdîtinên bi navbeynkariya rayedarên Umanê hatin kirin û her du aliyan nêrîn û helwestên hikûmetên xwe li ser bernameya aştiya navokî ya Îranê û rakirina dorpêçan ku di atmosfereke avaker de pêk hatin diyar kirin."

“Her du alî li ser berdewamkirina gotûbêjan li hev kirine û emê hefteya bê careke din bicivin.”

Wezîrê Derve yê Umanê Bedr Bin Hemed Bin Hemmûd got: "Me navbeynkarî di navbera Amerîka û Îranê de kir da ku bigihin rêkeftineke adil û lihevhatî."

"Gera  yekem a danûstandinan bi awayekî erênî hat lidarxistin û ev yek wan nêzîkî nêrînên wan kir ku dê aştî û aramî li pey wê were."

PUKMEDIA