Talebanî û Kostis Hatzidakis tekezî li ser karê hevbeş dikin

Buroya Çapemeniyê ya Qubad Talebanî

Qubad Talabanî û Kostis Hatzidakis

Cîgirê  Serokwezîr Qubad Talebanî di çarçoveya Foruma Navneteweyî ya Delphi de bi Cîgirê Serokwezîrê Yewnanîstanê Kostis Hatzidakis re hevdîtin kir.

Civîna roja înê (11/4/2025) bi amadebûna Dara Reşîd wezîrê pilandananê û Daban Şadala cîgirê berpirsê fermangeha têkeliyên derve hat encamdan û behsa çawaniya pêşxistina têkeliyên navbera herêma Kurdistanê û Yunanistanê di warên bazirganî, pîşesazî, çandinî û geştiyariyê de hat kirin.

Wan xurtkirina peywendiyan girîng dîtin û ji bo vê mebestê tekezî li ser xebata hevbeş kirin.

Cîgirê serokwezîr got ku derfetên gelek baş ji bo geşepêdana aborî li Herêma Kurdistanê hene.Hikûmeta Herêma Kurdistanê bi hemû hêza xwe hewl dide jîngeheke guncaw ji bo pêşketinê dabîn bike.

Di vê çarçoveyê de daxwaz ji hikûmet û sermayedarên Yunanistanê kir ku di van derfetan de veberhênan bikin û amadeyiya Hikûmeta Herêma Kurdistanê jî ji bo her cure hêsankarî ji bo sermayedarên Yunanistanê nîşan da.

Di hevdîtinê de pêşhatên dawî yên siyasî û ewlekarî yên li herêmê jî hatin gotûbêjkirin. Her di vê derbarê de, her du aliyan pêdawîstî dîtin ku civaka navdewletî hewlên xwe bo handana aliyên nakok ji bo çareserkirina pirsgirêkan bi diyalogê ji bo kêmkirina aloziyan û parastina aramiyê zêdetir bike.

PUKMEDIA