Çîn û Amerîka şerê bacê û aborî dikin

PUKMEDIA

Alayên Amerîkî û Çînî

Pekîn û Waşîngton li dijî hev şerê baca gumrukê û şerê aborî dikin, Komara Gel a Çînê roja Îniyê baca li ser kelûpelên Amerîkî bilind kir 125%.

Dewletên Yekbûyî yên Amerîkayê (DYA) nirxa gumrukê li ser kelûmelên Çînî ji sedî 104 û Komara Gel a Çînê jî weke bersiveke li hember gumrikên Waşîngtonê, baca li ser kelûmelên amerîkî ji sedî 125 zêde kir.

Serokê Amerîkayê Donald Trump ragihand ku ew ê ji bo 90 rojan baca gumrikê li ser 75 welatan rakin û di nav de yên ku bersiv nedane gumrikên Washingtonê.

Du roj piştî tevgera Dewletên Yekbûyî, Pekînê ne tenê bêdeng ma, lê îro 11-4 bacên li ser îtxalata Amerîkî ji sedî 125 zêde kir.

Donald Trump di serî de Çîn bi têkbirina bazara cîhanê tawanbar kir û baca gumrikê ji sedî 125, çend roj şûnda ji sedî 145 zêde kir, her çend ku berê ew rêje ji sedî 84 zêde kiribû.
Serokê Çînê Xi Jinping bang li Yekîtiya Ewropî kir ku bi Pekînê re li dijî "zorê" ya DY raweste, her çend wî got "di şerê bacê de tu kes bi ser nakeve."

Pekînê da xuyakirin, ku sepandina bacanan bazara cîhanê xera kiriye.

Wezareta Bazirganiyê got: "Zêdekirina baca li ser welatê me ya DYE lîstikek jimareyan e bêyî ku sûdek pratîkî bide aboriyê."

Qesra Spî ji bo zêdekirina baca gumrukê ya Komara Gel a Çînê ya li ser Washingtonê got: "Pekîn biryar da ku bi xemsarî bersivê bide bacan."

PUKMEDIA/ Ajansên Navdewletî