Salar Mehmûd: Dawiya vê mehê duyemîn Dîdara YNK dê bê lidarxistin

PUKMEDIA

Endamê Komîteya Bilind a Duyemîn Dîdara Yekîtiya Niştimanî ya Kurdistanê Salar Mehmûd

Endamê Komîteya Bilind a Duyemîn Dîdara Yekîtiya Niştimanî ya Kurdistanê Salar Mehmûd tekez kir, ku dê di dawiya vê mehê de, bi amadebûna birêz Bafil Celal Talebanî Serokê YNK duyemîn Dîdar were lidarxistin.

Salar Mehmûd di hevpeyvîneke taybet de ji PUKMEDIA`yê re ragihand: Me 9 konferansên amadekarî ji bo amadekariyên duyemîn Dîdara YNKê li hemû deverên Herêma Kurdistanê lidar xistin, ew dîdar bûye kevneşopek nû di şerê siyasî de û bûye bingehek ji bo beşdarkirina kadro û endamên YNKê di biryardanê de.

Ddar dê biryarên girîng bigire

Salar Mehmûd her wiha got: Dîdara YNKê ne festîvala partiyane, belku cihê biryardanê ye, ev jî tê wê wateyê ku kadro beşdarî biryardanê dibin di derbarê siyaseta partiyê û hemû beşên girêdayî jiyana siyasî ya YNKê, wek nêrîna YNKê ya ji bo birêvebirina Êraq û Herêma Kurdistanê, pêwendiyên ligel aliyên siyasî û gelek mijarên din ên girîng.

Her weha Mehmûd di berdewamiya axaftina xwe de got: Di dawiya vê mehê de duyemîn dîdara YNK’ê bi amadebûna Serokê YNK Bafil Celal Talebanî û serperiştiya Berpirsê Giştî yê dîdarê Qubad Talebanî û bi hezaran hevalên beşdar tê lidarxistin.

Zêdeyî 12 hezar kes beşdarî konferansan bûn

Salar Mehmûd da zanîn ku zêdetirî 12 hezar kadro û endamên YNKê di 9 konferansên ku li seranserê Herêma Kurdistanê hatine lidarxistin de beşdar bûne û bi hezaran pêşniyar û nêrîn pêşkêşî Desteya Bilind a YNKê kirine.

Endamê Desteya Bilind a dîdara Duyemîn wiha berdewam kir: Dîdara Duyem dê pêşniyar û nerînên hevalan bi giringî bigre ber çavan û her wiha dê nêrîn û pêşniyarên hevalên Yekîtiya Niştimanî, aliyên siyasî, rewşenbîr û nivîskaran jî bigre ber çavan.
Wî diyar kir ku Komîteya Bilind a Duyemîn dîdara Yekîtiya Niştimanî, bi hevkariya kadroyên me, kar dike ji bo ku ew forum pêşniyar û pêşniyarên girîng derxîne ku ji bo pêşxistina xebata partiyê û siyaseta Yekîtiya Niştimanî ya qonaxa bê.

PUKMEDIA