Serok Bafil: Em giringiyê didin hilbijartinên paqij

PUKMEDIA

Serok Bafil û Nûrî Malikî

Serokê Yekîtiya Niştimanî ya Kurdistanê (YNK) Bafil Celal Talebanî li Bexdayê ligel Serokê Hevpeymaniya Dewleta Yasa Nûrî Malikî civiya.

Di civînê de Endamê Mekteba Siyasî Nizar Amêdî û Wezîrê Dadê Xalid Şivanî amade bûn. Her du alî li hev kirin ku pirsgirêkan bi diyalog û jihevtêgihiştinê çareser bikin.

Di hevdîtinê de Serok Bafil Celal Talebanî tekezî li ser pêgiriya YNKê bo bihêzkirina yekrêziya niştimanî û berdewamiya diyaloga berpirsane di navbera hemû aliyan de kir ji bo parastina aramiya siyasî û rakirina astengiyên li pêşiya birêvebirina welat.

Pirsa hilbijartinên parlamentoya Iraqê û hêsankirina pêkanîna helbijartinan di dema xwe de bi berferehî hat gotûbêjkirin û her du aliyan tekezî li ser lidarxistina helbijartinên paqij û dadmend kirin ku aramî û bexteweriya zêdetir bo hemwelatiyên Herêma Kurdistanê û Iraqê bi xwe re bîne.

PUKMEDIA