Serok Bafil: Em ê bi heman siyaseta Serok Mam Celal xebatên xwe bidomînin

Daxuyaniya Serokê Yekîtiya Niştimaniya Kurdistanê

Serok BafIl pêşwaziya Mihemed Ferîd Saad Zahran dike

Serokê Yekîtiya Niştimanî ya Kurdistanê (YNK) Bafil Celal Talebanî li Dabaşanê pêşwaziya bîrmend, siyasetmedar û serokê Partiya Sosyalîst Demokrat a Misirê Mihemed Ferîd Saad Zahran kir.

Di civîneke dostane de pêşhatên dawî yên siyasî li Rojhilata Navîn û îmkan û encamên wan hatin gotûbêjkirin.

Di hevdîtinê de her wiha tekezî li ser pêşxistina peywendiyên demdirêj di navbera gelê Kurd û Misirê ji bo berfirehkirina hevkariyên di çarçoveya xebata hevbeş û parastina berjewendiyên bilind de hate kirin.

Serok Bafil Celal Talebanî bi germî bi xêrhatina Mihemed Ferîd Saad Zehranî bo Herêma Kurdistanê û Silêmaniyê kir û hêvî xwest ku ev yek bibe handanek baştir ji bo bihevre karkirin û vejandina peywendiyên di navbera her du gelên dost de, hevkarên me dê ji bo baştirkirina jiyana xelkê, bihêzkirina herêma me û parastina aramiyê li navçeyê kar bikin.

PUKMEDIA