Boykota fraksiyonên Kurdistanî civîna civata nûneran betal kir

PUKMEDIA

Monumentê Helebce

Biryar bû roja Sêşemê 8-4-2025 Parlamentoya Iraqê bicive, lê ji ber boykota fraksiyonên Kurdistanî civîn hat betalkirin.

Parlamenterê Fraksiyona YNKê li Parlamentoya Iraqê Çiro Hema Şerîf ji malpera fermî ya Yekîtiya Niştimanî ya Kurdistanê (PUKMEDIA) re ragihand:“Tevî ku biryar bû sibê parlamentoya Iraqê bicive, lê ji ber ku di rojevê de mijara parêzgeha Helebce nebû, hemû fraksyonên Kurdistanî bi yekdengî civîn baykot kirin û civîn ji aliyê cîgirê serokê parlamentoyê ve hat betalkirin.

Çiro Hama Şerîf got: “Fraksiyonên Kurdistanî biryar dane ku heta ew proje yasa nekeve rojeva civata nûneran, rê nedin ti proje yasayek derbikeve.Proje yasa par di xwendina yekem û ya duyem de hatibû qebûlkirin, lê îsal zêdetirî 3 caran hat rojevê û aliyên erebî bi hincetên cuda rê nedan ku proje yasa were derxistin.

Fraksyonên Kurdistanî biryar dane ku heta ew proje yasa nekeve rojeva civata nûneran, rê nedin ti proje yasayek derbikeve.

PUKMEDIA