Dije Terorê hejmarek terorîst girtin

PUKMEDIA

Logoya Dije Terorê

Hêzên Rêveberiya Giştî ya Dijî Terorê li ser girtin û şopandina terorîstan berdewam in û di operasyonekê de karîn hejmarek terorîst li çend cihên cuda yên navçeya Şarezor girtin.

Hêzên Rêveberiya Dijî Terorê di daxuyaniyekê de ku ji PUKMEDÎ re hatiye şandin de wiha tê gotin: Li gor zanyariyên berfireh ên istixbaratî û şopandina berdewam a tîmên me yên taybet, hêzên Dijî Terorê karîn hejmarek terorîst li çend cihên cuda yên navçeya Şarezûr desteser bikin.

Amaje bi wê yekê jî kir ku: Girtî xelkê parêzgehên Bexda û Diyalayê bûn û di warê lojîstîk de kar dikirin û kelûpelên şaneyên razayî û çalak yên terorîstên DAÎŞê dabîn dikin. Piştî ku ji aliyê dezgehên ewlehiyê yên Êraqê ve hatin eşkerekirin, reviyan Herêma Kurdistanê û li Şarezorê bi cih bûn.
Ragihand jî ku piştî girtina wan yekser ji bo cezakirinê radestî yasayê hatin kirin.

Di dawiyê de, Rêveberiya Giştî ya Dijî Terorê dibêje: Rêveberiya giştî ya rûbirûbûna terorê bi hemahengiya li gel saziyên ewlekarî yên Herêma Kurdistanê û Êraqê û hevpeymanên navdewletî dê berdewam bin li ser şopandin û jinavbirina paşmahiyên girûpên terorîst li her cihê ku lê bin.

PUKMEDIA